Mateo 17:3 - Dios Rimashca Shimicunami

³ Chaipica Moisespish, Eliaspish Jesushuan parlanacucujmi ricurirca.

Mushuj Testamento Diospaj Shimi

³ Chaita ricucujpica ñapish Moisespish, Eliaspish Jesus-huan parlanacucuj ricurircallami.

Mateo 17:3 Iomraidhean Croise

1 REYES 17:1

Galaadpi causajcunapuramanta tisbita Eliasca jatun mandaj Acabtaca: “Israelcunata Mandaj Taita Diosca causajmi. Ñucaca paipajtami rurani. Ñuca cutin tamyachun ningacama cai huatacunapica manataj tamyangachu, shullallapish manataj tiyangachu” nircami.

MALAQUÍAS 4:5

Riquichij, Mandaj Dios llaquichingapaj shamuna jatun llaqui punllacuna manaraj shamujpimi, ñuca ima nishcata huillaj Eliastaca cancunapajman cachani.

Mateo 17:2

Chaipimi Jesusca paicunapaj ñaupajpi shujtajyarirca. Paipaj ñahuipish inti shina lamyacujmi tucurca. Paipaj churanacunapish, luz shina yurajllami tucurca.

Mateo 17:4

Chaita ricushpami Pedroca, Jesustaca: “Amito, ñucanchij caipi canaca allimari cashca. Can munajpica, quimsa chugllacunata rurashun: Shujtaca cambaj, caishujtaca Moisespaj, chaishujtaca Eliaspaj” nircami.

Marcos 9:4

Chaipica Eliaspish, Moisespish Jesushuan parlanacucujta ricushpami,

Lucas 1:17

Juanca Eliaspaj espirituhuan, Elías charishca poderllahuantajmi Quishpichijta ñaupashpa ringa. Yayacunapaj shungutaca, huahuacunata c'uyaj cachun tigrachingapaj, mana cazujcunatapish, cashcata rurajcuna shina cachun rurangapajmi chashna canga. Gentecunataca Mandaj Jesusta chasquinallata rurangapajmi chashna canga– nircami.

Lucas 16:16

Mandashcacunata, profetacuna huillashcataca Bautizaj Juan ricurina punlla camami yachachircacuna. Chai q'uipaca Taita Dios ima shina mandagrin alli huillaitami huillarca. Chaimanca tucuicunami ima shinapish yaicushun nicuncuna.

Lucas 24:27

Moisés quillcashcamanta callarishpa, tucui profetacuna quillcashcacamami, Quillcachishcacunapi pai imalla tucuna cashcata huillacushcata yuyachirca.

Lucas 24:44

Chai q'uipaca Jesusca paicunataca: –Moisés Mandashcapipish, Profetacuna quillcashcapipish, Salmocunapipish ñucamanta tucui imalla tucuna cashcata huillashcacuna pajtachunmi chashna tucurca. Tucui chaicuna chashna tucuna cashcataca cancunahuan cashparajmi huillarcani– nircami.

Lucas 9:33

Chai ishqui runacuna Jesusmanta caruyashpa rijpica, Pedroca, Jesustaca: –Yachachij, ñucanchijca allitajchari caipi canchij. Quimsa chujllacunata rurashun. Shujtaca cambaj, caishujtaca Moisespaj, chaishujtaca Eliaspaj– nirca. Ashtahuanpish Pedroca imata rimacushcatapish mana yacharcachu.

Juan 1:17

Mandashcataca Moisesmanmi huillachirca. Ashtahuanpish mana c'uyaipajta c'uyaica, mana llullaca, Jesucristomantami shamurca.

DEUTERONOMIO 18:18

Paicunapaj huauquicunapuramanta ñuca ima nishcata huillajtami jatarichisha. Paica can shinallatajmi canga. Ñuca shimicunataca paipaj shimipimi churasha. Tucui ñuca imata mandashcatami paica huillanga.

DEUTERONOMIO 34:10

Chaimanta pachami Mandaj Dioshuan Moisés shina ñahui ñahui rimaj profetaca israelpurapica nunca mana tiyan.