Mateo 13:5 - Dios Rimashca Shimicunami

⁵ Asha muyuca, rumilla allpapimi urmarca. Chaipica mana achca allpa tiyanpi urmashcamantami utca huiñarca. Allpa mana ucujta cashcamantami chashna huiñarca.

Mushuj Testamento Diospaj Shimi

⁵ Shinallataj, asha muyuca rumilla allpapimi urmarca. Chai muyuca, ashalla allpa cajpimi utca huiñarca.

Mateo 13:5 Iomraidhean Croise

EZEQUIEL 11:19

Paicunamanca mushuj yuyaita, mushuj shungutami cusha. Rumi shunguta anchuchishpami, mushuj shunguta churasha.

EZEQUIEL 36:26

Cancunapica mushuj shunguta, mushuj yuyaitami churasha. Cancunamantaca rumi shunguta anchuchishpami, aicha shunguta churasha.

AMÓS 6:12

¿Caballocunaca peña quinricunata callpai tucungari? ¿Shinallataj yunta huagrahuanpish peña quinripi yapui tucungachari? ¿Ima nishpataj cancunaca cashcata ruranapaj randica, huañuchij venenota ubyachircanguichij? ¿Ima nishpataj cashcata rurashpa ricuchinapaj randica, jayaj ajenjo shina cashcata ricuchircanguichigari?

ZACARÍAS 7:12

Paicunapaj shunguca, diamante shinami carca. Chashna cashpami tucuita Mandaj Dios, paipaj Espirituhuan ñaupa huillajcunaman huillachishca mandashcatapish, paipaj shimi imata nishcatapish mana uyarcacuna. Chaimantami Mandaj Diosca, paicunahuanca yallitaj p'iñarirca.

Mateo 13:20

Rumilla allpapi tarpushca shinaca, alli huillaita uyashcahuan cushicushpa chasquijcunami.

Mateo 13:4

Tarpunaman rishpa muyuta shitacujpica, asha muyuca ñanpimi urmarca. Chaitaca pajarocuna shamushpami micurca.

Mateo 13:6

Ashtahuanpish inti llujshishpa rupachijpica, jahualla sapi cashcamanta chaquirircallami.

Marcos 4:16

Rumilla allpapi tarpushca shinaca, alli huillaita uyashcahuan cushicushpa chasquijcunami.

Marcos 4:5

Asha muyuca rumilla allpapimi urmarca. Chaipica mana achca allpa tiyanpi urmashcamantami utca huiñarca.