Mateo 13:11 - Dios Rimashca Shimicunami

¹¹ Shina nijpi Jesusca: –Taita Dios mandagrin, pi mana yachashca pacalla cajtaca, cancunamanmi ricuchishca. Ashtahuanpish paicunamanca, chaitaca mana ricuchishcachu.

Mushuj Testamento Diospaj Shimi

¹¹ Chashna tapujpica, Jesusca cashnami nirca: —Cancunamanca, jahua pacha Diosmi, pai mandacun ima shina cashcata ricuchishca. Ashtahuanpish paicunamanca, mana ricuchishcachu.

Mateo 13:11 Iomraidhean Croise

SALMOS 25:14

Mandaj Diosca paita manchajcunahuanmi yallitaj apanacun. Paihuan ari ninacushcata pajtachinataca paicunamanmi yachachinga.

ISAÍAS 29:10

Mandaj Diosllatajmi cancunapaj jahuapica dorminaita cuj espirituta tallirca. Chaimi cancunapaj profetacunapaj ñahuicunatapish huichcarca. Chaimi Dios huillachishcata cancunaman huillajcunatapish linsohuan umata pilluchirca.

ISAÍAS 29:11

Muscuipi shina Dios ricuchishpa huillachishcacunaca cancunapajca, quillcashca librota sellashcata cushca shinami. Rezanata yachajman librota cushpaca: “Cunanca caita rezai” nijpica, paica: “Sellashca cashcamanta mana rezai tucunichu” ningami.

ISAÍAS 35:8

Chaipica rumicunahuan allichishca ñanmi tiyanga. Chai ñanca: “Jucha illaj Ñan” nishcami canga. Mapacunaca chai ñantaca mana puringacunachu. Ashtahuanpish Taita Diostajmi paicunahuan canga. Maijanpish chai ñanpi puricujca imata mana jahualla yachai tucuipaj cashpapish mana pandaringachu.

Mateo 13:10

Ña parlashca q'uipami, yachacujcuna paipajman c'uchuyamushpaca: –¿Ima nishpataj canta uyajcunamanca yuyachij parlocunallahuan rimanguiyari?– nircacuna.

Mateo 16:17

Shina nijpi Jesusca: –Jonaspaj churi Simón, chaitaca mana aichayuj, yahuaryuj runachu ricuchishca, ashtahuanpish jahua pachapi caj ñuca Yayami ricuchishca. Chaimanta cushichishcami cangui.

Mateo 19:11

Chaimi Jesusca: –Mana cazaranataca mana tucuicuna chasqui tucunchu. Ashtahuanpish Dios chaita cushcacunallami chasqui tucuncuna.

Mateo 20:23

Chaimi Jesusca: –Ari, vasomantaca ñuca ubyashca shina ubyanguichijmi, ñuca imahuan bautizarishcapipish bautizaringuichijmi. Chashna cajpipish ñuca alli ladoman, lluqui ladoman maijanta tiyachinaca mana ñucapajchu. Chaitaca ñuca Yayami maijancunapaj allichishca cashpaca, chaipica tiyachinga– nircami.

Marcos 10:40

Ashtahuanpish ñuca alli ladoman, lluqui ladoman maijanta tiyachinaca mana ñucapajchu. Chaitaca ñuca Yayami maijancunapaj allichishca cashpaca, chaipica tiyachinga– nircami.

Marcos 4:11

Chaimi cashna nirca: “Taita Dios mandagrin pi mana yachashca pacalla cajtaca, paimari cancunamanca yachachishca. Ashtahuanpish shujtajcunamanca yuyachij parlocunallahuanmi imatapish yachachicuni.

Lucas 8:10

Jesusca cashna nirca: –Taita Dios mandagrin pi mana yachashca pacalla cajtaca, paillatajmari cancunamanca yachachishca. Ashtahuanpish shujtajcunamanca yuyachij parlocunallahuanmi imatapish yachachicuni. Paicunaca ricushpapish mana ricushca shinami tucun. Uyashpapish mana uyashca shinallatajmi tucun.

Juan 6:65

Chaita yachashpami cashna nirca: –Cancunamanca ñuca Yaya crina yuyaita mana cujpica, pipish ñucapajmanca mana shamui tucunchu nircani– nircami.

Juan 7:17

Maijanpish Taita Diospaj munaita rurasha nijmi, cai ñuca yachachicunca Taita Diospaj cashcata, mana cashpaca ñuca yuyaillamanta rimacushcata yachanga.

Hechos 16:14

Chai huarmicunapurapica Tiatira pueblomanta Lidia shuti huarmimi ñucanchij huillashcataca uyacurca. Paica Taita Diosta adoraj, morado sumaj linsocunatapish c'atujmi carca. Pablo huillashcata chasquichunmi Mandaj Jesusca chai huarmipaj shunguta pascarca.

Romanos 11:25

Huauquicuna, pacalla cashcata yachachunmi munani. Cancunallataj ama yalli jatun tucuchunmi cashna nini: Crij tucuna caj mana israelcuna tucuicuna crij tucungacamami, maijan israelcunaca mana crishpa sinchi shungu cangacuna.

Romanos 16:25

Jesucristomanta alli huillaita ñuca huillashca shinallataj, cancunata sinchiyachij Diostaca allimari cangui ninimi. Huiñaimantami pi mana yachaipaj pacallataca ricuchimushca.

1 Corintios 13:2

Dios huillachijpi huillaj canata charishpapish, pi mana yachashcacunata tucuita entendij cashpapish, tucuita yachaj cashpapish, urcucunata shujtajman churangapaj tucui shunguhuan crij cashpapish, c'uyaita mana charishpaca, imapish mana canichu.

1 Corintios 15:51

Cancunamanca pi mana yachashcatami huillasha nini: Mana tucuicuna huañushunchu, ashtahuanpish tucuicunami shujtajyachishca cashun.

1 Corintios 2:14

Ashtahuanpish aichallamanta huacharishca cajca, Diospaj Espiritupajtaca mana yachasha ninchu. Chaicunaca paipajca musparishca shina cajpimi, mana entendi tucun. Espíritu yuyachijllapimi agllai tucun.

1 Corintios 2:7

Ashtahuanpish Diospaj pacallapi tiyacuj yachaimantami huillacunchij. Paipaj pacallapi caj yachaitaca, ñucanchijta sumajyachingapajmi cai pacha manaraj tiyajpi ña charicushca.

1 Corintios 4:1

Chaimanta ñucanchijtaca, Cristopajta rurajcuna cashcata, Diospaj pacallapi cajta alli ricushpa yachachichun mingashcacuna cashcata yuyaichij.

1 Corintios 4:7

Chashna cajpica ¿pitaj cantaca caishujta yalli jatunyachin? ¿Can charishcacunataca manachu tucuita Dios cushca? Pai cushcallata charishpaca ¿ima nishpataj canllataj charishca shina jatun tucungui?

Efesios 1:18

Pai Diosca, cancunapaj yuyaipaj ñahuita achijyachishca cachunmi mañacuni. Chashna achijyachijpimi, cancunaca imata shuyanapaj cayashca cashcata, jucha illajcunahuan achcata charina sumaj herenciapish ima cashcata yachanguichij.

Efesios 1:9

Alli yuyarishca pi mana yachashca pai munashca shina rurasha nicushcataca ñucanchijmanmi ricuchirca. Chaitaca ñaupamanmi paillataj rurasha nishca carca.

Efesios 5:32

Cai huillashcaca, pi mana entendipaj jatunmari. Ashtahuanpish ñucaca Cristohuan, tandanacushca crijcunahuan ima shina cashcatami chashna nini.

Efesios 6:19

Pi mana yachashca alli huillaita mana manchashpa yachaj chayachingapaj, ñuca shimita pascajpi rimanata ñucaman cuchun, ñucamantapish mañaichij.

Colosenses 2:2

Paicunapaj shungucunapi cushicuchun, c'uyaipi shujlla cashpa alli entendij canata charij canaman chayachunmi macanacucuni. Chashna cashpami Dios Yayamanta, pi mana yachashca pacalla cajca Cristo cashcata alli yachangacuna.

1 Timoteo 3:16

Ñucanchij crishcaca pi mana yachashca, yallitaj jatunmari. Chaitaca mana chashnachu nishpa, pi mana ni tucunchu: Taita Diosca, aichayuj tucushpami ricurishca. Espiritupish cashcata rurajmi nircami. Angelcunaca ricurcacunami. Mana judiocunamanpish paimantaca huillarcacunami. Cai pachapica, crircacunami. Sumaj jahua pachapica chasquishcami carca.

1 Timoteo 3:9

pi mana yachashca crinatapish chuya yuyaihuan alli cuidajcuna cachun.

Santiago 1:5

Cancunamanta maijan yachai illaj cashpaca, Diosta mañaichij. Paica mana mitsashpami, tucuicunaman yallijta cunga.

1 Juan 2:20

Cancunaca Jucha Illaj Cristomantami Espirituta charinguichij. Chaimantami tucui imatapish yachanguichij.

1 Juan 2:27

Ashtahuanpish Jesucristomanta chasquishca Espirituca cancunapimi causacun. Chaimanta pi shujtaj yachachijtaca mana minishtinguichijchu. Cancunapi caj Espiritullatajmi, tucui imatapish yachachin. Paica cashcatataj, mana llullashpami yachachin. Pai yachachishca shina Jesucristohuan shuj shinalla catichij.