Mateo 12:4 - Dios Rimashca Shimicunami

⁴ Paica, Taita Diospaj huasiman yaicushpa, Taita Diosman cushca tandatami micurca. Chai tandataca paipish, paihuan cajcunapish mana micunallachu carca. Chaitaca curacunallami micuna carca.

Mushuj Testamento Diospaj Shimi

⁴ Illu, paica, Diospaj huasiman yaicushpaca, Diosman cushca tandacunatami paipaj runacunandij micurca. Chai tandacunataca, mandashcapi nishca shinaca, pi shujtaj mana micunallachu carca, curacunallami micuna carca.

Mateo 12:4 Iomraidhean Croise

ÉXODO 25:30

Chai mezapica ñuca ñaupajpi punllanta cana tanda ama illachun churarangui.

LEVÍTICO 8:31

Moisesca Aaronta, paipaj churicunatapish: “Mandaj Dioshuan tupana carpa huasi pungupi aichata t'imbuchishpa, chaipi Mandaj Diospajlla cachun ch'icanyachicuipi cushca canasta tandahuan chai aichataca micunguichij. Ñuca ima shinalla mandashca shinallatajmi: Aaronpish, paipaj churicunapish micungacuna nircami.

Mateo 12:3

Chaimi Jesusca: –Davidpish, paihuan cajcunapish yaricaihuan cashpa, imata rurashcataca ¿manachu rezashcanguichijllapish?

Mateo 12:5

Curacunapish Taita Diospaj huasipica, samana punllapimi yanga punllapi shinallataj Taita Diospajta rurancuna. Chashna rurashpapish mana juchayuj tucushcataca Moisés Mandashcapica ¿manachu rezashcanguichij?

Marcos 2:26

Abiatar cura, curacunata mandaj cai punllacunami, Davidca Taita Diospaj huasiman yaicushpa, Taita Diosman cushca tandata micurca. Paihuan cajcunamanpish cararcami. Chai tandataca mana pipish micunallachu carca, curacunallami micuna carca– nircami.

Lucas 6:4

Paica Diospaj huasiman yaicushpaca, Diosman cushca tandata japishpami micurca. Paihuan cajcunamanpish cararcami. Chai tandataca mana pipish micunallachu carca. Curacunallami micuna carca– nircami.

Hebreos 9:2

Diospaj carpa huasica cashnami carca: Diospajlla caj punta ucupica candelero, Diosman cushca tandacunata meza jahuapi churashcapishmi carca.

1 SAMUEL 21:4

Shina nijpi Ahimelec curaca Davidtaca: –Maijan maijanpish micuna tandataca mana charinichu. Diospajlla ch'icanchishca tandallatami charini. Chashna cajpipish cambajta rurajcuna huarmicunahuan mana chayarinacushca cajpica cushallami– nircami.

1 SAMUEL 21:6

Chaipica shujtaj tanda mana tiyashcamantami chai curaca Diospajlla ch'icanchishca tandata curca. Chai tandaca Diospaj ñaupajpi caj tandata anchuchina punlla pajtajpi ña anchuchishca tandami carca. Cunanlla cusashca tandata churangapajmi anchuchishca carca.