Mateo 12:10 - Dios Rimashca Shimicunami

¹⁰ Chaipica chaquishca maqui shuj runami tiyacurca. Jesusta juchachingapajmi, fariseocunaca: –¿Samana punllapica alliyachina ninchu?– nishpa tapurcacuna.

Mushuj Testamento Diospaj Shimi

¹⁰ Chai ucupica, chaquishca maquiyuj runami tiyacurca. Chaipi caj fariseocunaca, juchachingapajmi Jesustaca: —¿Mandashcapica, sabadopipish ungushcacunata alliyachinalla ninchu?— nishpa tapurcacuna.

Mateo 12:10 Iomraidhean Croise

Lucas 13:14

Samana punllapi Jesús alliyachijta ricushpami, sinagogapi jatun pushajca, achcata p'iñarishpa chaipi cajcunataca: –Trabajanapajca sujta punllacunami tiyan. Chai punllacunapimi, alliyachichunca shamuna canguichij. Samana punllapica mana shamunachu canguichij– nirca.

Juan 9:16

maijan fariseocunaca: –Samana punllata mana huaquichij runaca, maitataj Taita Dios cachashca cangari– nircacuna. Maijancunaca: –Chai runaca juchayuj cashpaca ¿ima shinataj pi mana rurai tucuipajtaca rurangari?– nircacunami. Chashnami paicunapurallataj caita chaita yuyashpa ch'ican ch'ican yuyai tucurcacuna.

Juan 8:6

Jesús ima nijta uyashpa juchachinga raicullami chashna nircacuna. Ashtahuanpish Jesusca cumurishpami, pambapi maquihuan quillcacurca.

Juan 5:10

Aparishpa ricujpimi judiocunaca chai alliyashca runataca: –Samana punllamari, mandashcapi nishca shinaca can siricushcataca mana aparishpa rina punllachu– nircacuna.

Lucas 11:54

Ima mana allita rimajpica juchachinata japingapajmi chashna tapurcacuna.

Mateo 12:2

Chaita fariseocuna ricushpaca: –Cambaj yachacujcunaca, samana punllapi ama rurangui nishcatamari ruracuncuna– nircacunami.

ZACARÍAS 11:17

Canlla ovejata chingachij michijlla ¡aij imachari tucunga! Paipaj rigratapish, alli lado ñahuipish espada chugrichishca cachun. Paipaj rigraca tucuimi chaquiringa, alli lado ñahui lulunpish imata mana ricujmi saquiringa” nircami.

ISAÍAS 32:6

Millai runaca millaillatami riman. Paipaj shungupica millaita ruranallatami yuyarin. Mandaj Diosta yanganchishpa c'amingapajmi chashna millai yuyailla tucun. Yaricaihuan cajmanpish ama cungapaj, yacunaihuan cajmanpish yacuta ama cungapajmi chashna tucun.

Juan 5:3

Chai corredorcunapica achca ungushcacunami mana ricujcuna, cojocuna, mana cuyurijcunapish yacu cuyurijta shuyacurcacuna.

Lucas 23:2

Chaipimi Jesustaca: –Cai runaca ñucanchij llajta runacunata mana allita yachachishpa, bullata rurachishpa puricujtami japircanchij. Cesarman impuestota cunatapish mana cunachu ninmi. Paica jatun mandaj Cristomi cani ninmi– nircacunami.

Lucas 23:14

cashna nirca: –Cai runataca, llajtapi causajcunata muspachishpa bullata ruranatami yachachicun nishpami pushamurcanguichij. Ashtahuanpish cancunapaj ñaupajpi ñuca tapushpaca, cancuna juchachishca shina millai runa cashcataca mana japinichu.

Lucas 20:22

¿Cesarmanca tributotaca cushunchu manachu cushun?– nircacunami.

Mateo 19:3

Chaipimi fariseocunaca Jesús mana allita nijpica juchachishun nishpa c'uchuyashpaca: –Cusaca, paipaj huarmita ¿imapi mana alli cajpica shitanalla ninchu?– nircacuna.

ISAÍAS 59:13

Mandaj Diostamari c'ariyashcanchij, mana rijsishca shinami tucushcanchij, ñucanchij Taita Diosmanca huashatamari ricuchishcanchij. Ashtahuan huashalla llaquichinatami yuyarircanchij. Ñucanchij shungupi llullanata chichushcatami rimarcanchij.

ISAÍAS 59:4

Cashcata ruranamantaca pi mana caparinchu. Pi mana cashcata ricushpa mandanchu. Yangallapimi shunguta churancuna. Yangallatami rimancuna. Millaillatami chichun. Millaitami huachan.

Marcos 3:2

Chai samana punllapi chai runata alliyachijpi, juchachingapajmi Jesustaca chaparacurcacuna.

Juan 7:23

Moisés mandashcata mana p'aquingapajca samana punlla cajpipish, circuncisiontaca ruranguichijllami. ¿Samana punllapi shuj runata tucuita alliyachishcamantachu ñucahuanca p'iñaringuichij?