Mateo 11:5 - Dios Rimashca Shimicunami

⁵ Ñahui mana ricujcuna ricushcata, cojocuna purishcata, leprahuan cajcuna alliyashcata, rinrin mana uyajcuna uyashcata, huañushcacunata causachishcata, huajchacunamanpish alli huillaita huillashcata Juanmanca huillagrichij.

Mushuj Testamento Diospaj Shimi

⁵ Ñahui mana ricujcunapish ricucushcata, suchucuna puricushcata, leprahuan ungushcacunapish alliyashcata, rinrin mana uyajcunapish uyacushcata, huañushcacunatapish causachishcata, huajchacunaman alli huillaita huillashcata parlagrichij.

Mateo 11:5 Iomraidhean Croise

2 REYES 5:14

Chaimi Naamanca Jordanman uriyashpa Diospaj runa nishca shinallataj chai yacupi canchis cutin pambarirca. Paipaj aichaca uchilla huahuapaj aicha shina tucushpami chuya saquirirca.

2 REYES 5:7

Israel llajtata jatun mandaj chai quillcata rezashpaca, p'iñarishpa paipaj churanata lliquirishpami: –Ñucaca Dios shina causaita cui tucuj, causaita quichui tucuj cajpi shinamari, cai runataca lepra ungüimanta alliyachichun ñucapajman cachashca. ¡Chashna rurashpaca ñucahuan p'iñanacungapaj mashcacushcatami ricuchin. Chaitaca cancunallataj ricunguichijmi!– nirca.

SALMOS 146:8

Mandaj Diosca mana ricujcunapaj ñahuita pascajmi. Mandaj Diosca urmashcacunata jatarichijmi. Mandaj Diosca cashcata rurajcunata c'uyajmi.

SALMOS 22:26

Mana jatun tucushcacunaca micungacunami. Mana nijtami micungacuna. Mandaj Diosta mashcajcunaca paita alabangacunami. Paicunaca unitami causangacuna.

ÉXODO 4:11

Mandaj Diosca: –¿Pitaj runamanca shimita curcari? ¿Mana rimajtapish, mana uyajtapish, ñahui ricujtapish, mana ricujtapish pitaj rurarcari? Chaicunataca ¿Manachu Mandaj Dios ñuca rurarcani?

ISAÍAS 29:18

Chai punllacunapica mana uyajcunapish, libropi rezashcataca uyangacunami. Ñahui mana ricujcunapaj ñahuica, amsa cajpipish, yallitaj amsa cajpipish ricungallami.

ISAÍAS 29:19

Mana jatun tucushcacunaca Mandaj Diospi cushicungapajmi tigrangacuna. Tucuicunamanta yallitaj huajchacunapish, israelcunapaj jucha illaj Diospimi cushicungacuna.

ISAÍAS 43:8

Rinrinyuj cashpapish mana uyaj, ñahuiyuj cashpapish mana ricuj ñuca agllashcacunata pushamuichij.

ISAÍAS 66:2

Tucui caicunataca ñuca maquimi rurarca. Chaimantami tucui tiyai callarirca ninmi Mandaj Diosca. “Shina cajpipish ñucaca huajchacunapi, mana jatun tucushcacunapi, ñuca mandashcata manchaihuan cazujcunapimi ñuca ñahuita churani.

ZACARÍAS 11:7

Shina nijpimi, huañuchina ovejacunataca michircani. Paicunaca canlla ovejitacuna shinami carcacuna. Chai canlla ovejacunata michinapajca, ishqui caspitami japircani. Chai caspicunataca, shujtaca “Sumaj” nishca shutitami shutichircani. Caishujtaca, “Tandachij” nishca shutitami shutichircani.

Mateo 10:8

Ungushcacunata, alliyachichij, leprahuan cajcunata chuyayachichij, huañushcacunata causachichij, supai japishcacunamantapish supaicunata llujshichichij. Chaicunataca cancunaca Taita Dios c'uyashpa cushcallatami chasquircanguichij. Cancunapish c'uyashcallamanta alliyachinguichijlla.

Mateo 11:4

Paicuna tapujpica Jesusca: –Richij, cancuna imata ricushcata, uyashcata Bautizaj Juanmanca huillagrichij.

Mateo 12:13

Shina nishpa Jesusca chai runataca: –Cambaj maquita chutai– nijpi chutajpica, caishuj maqui shinallataj alli tucurcallami.

Mateo 21:14

Diospaj huasipi Jesús cajpimi, mana ricujcunapish, chulla chaqui illajllacunapish paipajman c'uchuyamujpi alliyachirca.

Mateo 5:3

Espiritupi huajcha cajcunaca cushichishcami. Jahua pachamanta mandanaca ñami paicunapi mandacun.

Mateo 9:30

Paicunapaj ñahuicunaca ricurcallami. Paicunataca Jesusca: –Riquichij, pajta piman parlanguichijman– nirca.

Marcos 7:37

Chaita uyajcunaca achcata mancharishpami: –Tucuitamari allita ruran. Mana uyajcunatapish uyajtami ruran, mana rimajcunatapish rimajtami ruran– nircacuna.

Marcos 9:25

Achcacuna jundarimujta ricushpami, Jesusca chai millai espiritutaca: –Upa, mana uyaj espíritu paimanta llujshichunmi ñucaca mandani, ñataj cutinca paipi yaicunguiman– nishpami sinchita rimarca.

Lucas 4:18

“Jatun Diospaj Espirituca, ñuca jahuapimi. Ñucataca huajchacunaman alli huillaita huillachun, shungupi llaquirishpa huañucujcunata alliyachichun, prezupi cajcunata cacharichichun, mana ricujcunata ricujta rurachun, llaquichishca causacujcunata cacharichichunmi cacharca.

Juan 10:25

Chaimi Jesusca: –Ñami cancunamanca huillarcani. Mana cringuichijca. Ñuca Yaya rurai nishcacunata ñuca rurashcacunallatajmi ñuca pi cashcataca huillacun.

Juan 10:38

Ñuca Yaya rurashca shinallatajmi ruracuni. Chashna cajpica ¿ima nishpataj mana cringuichij? ñucata mana crishpapish, chai ñuca rurashcacunata ricushpallapish crichigari. Chashna crishpami Yayaca ñucahuan, ñucaca Yayahuan shujlla cashcataca yachanguichij– nircami.

Juan 2:23

Jesusca Pascua fiestapi Jerusalenpi cashpa achca milagrocunata rurajta ricushpami, achcacuna paita crircacuna.

Juan 3:2

Paimi Jesuspajman tuta shamushpaca: –Rabí, canca ñucanchijta yachachichun Taita Dios cachajpi shamushcatami yachanchij. Taita Dios mana paihuan cajpica, pi cashpapish can rurashpa ricuchishca shinataca, mana rurai tucunchu– nirca.

Juan 5:36

Ñuca Yaya rurai nishcatami ñucaca ruracuni. Chaita ñuca rurashcacunallatajmi Juan huillashcatapish yalli ñucataca ñuca Yaya cachashca cashcata ricuchicun.

Juan 9:7

cashna nirca: –Ri, Siloé tanque yacupi maillarigri– nircami. Siloé shimica: “Cachashca” nisha ninmi. Pai maillarigrishpaca, ricucujmi tigrarca.

Hechos 2:22

Tucui israelcuna, cai huillashcata uyaichij: Nazaretmanta Jesustami Taita Diosca pai cachashca cashcata ricuchingapaj, pi mana ricushcata rurachirca. Shinallataj pi mana ruraipajcunatapish, mancharinacunatapishmi rurachirca. Chaitaca tucui cancunallataj yachanguichijmi.

Santiago 2:5

Ñuca c'uyashca huauquicunalla, caita uyaichij: Cancunataca cai pachapica huajchacunatami Diosca agllashca. Crishcapica charijcuna cachun, pai cusha nishca mandanapi japijcuna cachunmi chashna agllashca. Chaitaca paita c'uyajcunamanmi cusha nishca.