Mateo 11:10 - Dios Rimashca Shimicunami

¹⁰ Juanmantaca, cashna quillcachishcami tiyacun: “Ñuca ima nishcata huillajtaca cambaj ñaupami cachani. Paimi cambaj ñaupa rishpa, can purina ñanta allichinga” nishcami.

Mushuj Testamento Diospaj Shimi

¹⁰ Dios Quillcachishcapica, paimantami cashna nicun: “Ñuca ima nishcata huillajtami, Cambaj ñaupa cachani. Paimi Can purina ñantaca, ñaupashpa allichinga” ninmi.

Mateo 11:10 Iomraidhean Croise

ISAÍAS 40:3

Shitashca pambapi caparijca: “¡Mandaj Diospaj ñanta allichichij. Shitashca pambacunataca ñucanchij Taita Diospaj llambujlla ñanta ruraichij!

MALAQUÍAS 3:1

Chaimantami Mandaj Diosca cashna nin: “Ñuca huillajtami ñaupachishpa cachasha. Paimi ñuca purina ñantaca allichinga. Cancuna mashcacushca Amoca, paipaj huasimanca ñapish yaicungallami. Cancuna shuyacushca ari ninacushcata pajtachij angelpishmi shamunga. Riquichij, ñamari shamucun” ninmi.

MALAQUÍAS 4:5

Riquichij, Mandaj Dios llaquichingapaj shamuna jatun llaqui punllacuna manaraj shamujpimi, ñuca ima nishcata huillaj Eliastaca cancunapajman cachani.

Mateo 11:11

Cai pachapi huacharishcacunapurapica, bautizaj Juanta yalli allica pi mana tiyashcachu. Shina cajpipish cai pachapi imapish mana caj shinacunami jahua pachamanta mandacunpica Juanta yalli cangacuna. Chashnatajmi canga.

Mateo 11:3

Jesusta tapunaman cacharca. Paicunataca: –¿Canchu chai shamuna cashcaca cangui, mana cashpaca shujtajtachu shuyana canchij?– nichunmi cacharca.

Mateo 3:3

Profeta Isaías huillashpaca, Juanmantami cashna nishca: “Shitashca pambapi caparijca: “¡Jatun Diospaj ñanta allichichij. Cancunapaj ñancunatapish allichichij!” ningami” nishcami.

Marcos 1:2

Profeta Isaías quillcashcapi nishca shinallatajmi: “Ñuca huillajtami canta ñaupachishpa cachani. Paimi can purina ñantaca ñaupashpa allichinga.

Lucas 1:76

Shinallataj can huahuituca, jahua pachapi caj Diospaj profeta nishcami cangui. Canmari Quishpichij purina ñanta allichishpa ñaupashpa ringui.

Juan 1:23

Chaimi Juanca: –Profeta Isaiasca shitashca pambapica: “Jatun Diospaj shamuna ñanta allichichij nishpami shuj runa caparicun” nishcami. Ñucaca chaimari cani– nircami.