Mateo 10:8 - Dios Rimashca Shimicunami

⁸ Ungushcacunata, alliyachichij, leprahuan cajcunata chuyayachichij, huañushcacunata causachichij, supai japishcacunamantapish supaicunata llujshichichij. Chaicunataca cancunaca Taita Dios c'uyashpa cushcallatami chasquircanguichij. Cancunapish c'uyashcallamanta alliyachinguichijlla.

Mushuj Testamento Diospaj Shimi

⁸ Ungushcacunatapish, leprahuan ungushcacunatapish alliyachichij, huañushcacunatapish causachichij. Supaihuan cajcunamantapish, supaicunata llujshichichij. Chai rurai tucunataca, cancunamanca mana cullqui jahua curcanichu. Cancunapish chaicunata rurashpaca, ama cullquiraicu ruranguichijchu.

Mateo 10:8 Iomraidhean Croise

ISAÍAS 55:1

¡Yacunaihuan cajcuna tucuicuna shamuichij. Yacuman shamuichij! Cullquita mana charishpapish shamuichijlla. Cullqui illajlla randishpa micuichijlla. Shamuichijlla, cullqui illajlla imata mana cushpa vinota, lecheta randichijlla.

NÚMEROS 18:7

Ashtahuanpish curacuna imalla rurana cashcata rurashpa Mandaj Diospajta ruranataca altarpipish, linsohuan jarcachishca ucupipish canhuan, cambaj churicunallahuanmi rurana canguichij. Curacuna imalla rurana cashcata ruranataca ñucami curcani. Manapish cura caj chaiman c'uchuyashpaca huañungami” nircami.

Mateo 10:1

Chai q'uipami Jesusca, paipaj chunga ishqui yachacujcunata cayashpaca, mapa espiritucunata llujshichi tucunatapish, tucui ungüihuan, tucui nanaihuan cajcunata alliyachi tucunatapish curca.

Mateo 10:7

Paicunapajman rishpaca: “Jahua pachamanta mandanamari ña mandagrin” nishpa huillaichij.

Mateo 10:9

Curitapish cullquitapish, cobretapish ama apashpa ringuichij.

Marcos 16:18

Culebracunata maquihuan japijpipish, ima huañuipajta ubyajpipish imata mana rurangachu. Ashtahuanpish ungushcacunapaj jahuapi maquita churashpa alliyachingacunami– nircami.

Lucas 10:9

Chaipi ungushcacuna tiyajpi, alliyachishpaca: “Cancunata Taita Dios mandanamari ña c'uchuyamushca” nishpa huillanguichij.

Hechos 3:6

Chaimi Pedroca: –Ñucaca cullquita curita mana charinichu. Chaipaj randica ñuca imata charishcatami cuni: Nazaretmanta Jesucristopaj shutipi jatarishpa, puri– nirca.

Hechos 4:30

Quiquinca tucuita rurai tucuj cashcahuan ñucanchijtaca ungushcacunata alliyachijcunata, ricuchinacunata rurajcunata, pi mana ruraipajta rurajcunata cambaj Churi Jesushuan rurahuai” nishpami mañarcacuna.