Mateo 10:7 - Dios Rimashca Shimicunami

⁷ Paicunapajman rishpaca: “Jahua pachamanta mandanamari ña mandagrin” nishpa huillaichij.

Mushuj Testamento Diospaj Shimi

⁷ Paicunapaj llajtacunapica: “Jahua pacha Diosca ñami mandanaman chayamushca” nishpa huillagrichij.

Mateo 10:7 Iomraidhean Croise

ISAÍAS 61:1

Mandaj Jatun Diospaj Espiritumari ñuca jahuapi. Mandaj Diosmari ñucataca aceitehuan churarca. Ñucatamari alli huillaita huajchacunaman huillachun cacharca. Shungu p'aquicunata alliyachichun, prezu apashcacunaman ña llujshina tiyashcata huillachunmi cacharca. Prezucunata cacharichichunmi cacharca.

Mateo 10:8

Ungushcacunata, alliyachichij, leprahuan cajcunata chuyayachichij, huañushcacunata causachichij, supai japishcacunamantapish supaicunata llujshichichij. Chaicunataca cancunaca Taita Dios c'uyashpa cushcallatami chasquircanguichij. Cancunapish c'uyashcallamanta alliyachinguichijlla.

Mateo 11:1

Jesusca, paipaj chunga ishqui yachacujcunaman yachachishca q'uipaca, chai llajtallapitaj caj shujtaj pueblocunapi yachachingapaj huillangapajpishmi chaimantaca rirca.

Mateo 21:31

Chai ishquimantaca ¿maijantaj paipaj yaya munashcata rurarca?– nijpi, paicunaca: –Punta churiyari– nircacunami. Chaimi Jesusca: –Impuestota japijcuna, huainayashpa causajcunarajmi, jahua pachamanta Dios mandacujpica paicunaraj punta yaicungacuna. Chaica chashnatajmi canga.

Mateo 21:43

Chaimanta cashnami nini: Dios mandacunpi cancuna cana cashcata quichushpami, paipaj granota p'ucujcunaman cunga.

Mateo 23:13

Mandashcacunata quillcajcuna, fariseocuna, mishqui shimi jayaj shungucuna, ¡aij cancunalla! Jahua pachamanta mandacunman gentecuna yaicunatami jarcanguichij. Cancunapish mana yaicunguichijchu, yaicucujcunatapish mana yaicujta saquinguichijchu.

Mateo 3:2

“mana alli ruracushcata saquishpa cutirichij. Jahua pachamanta mandanamari ña c'uchuyamushca” nishpa huillarca.

Mateo 4:17

Chai punllamanta pacha Jesús huillai callarishpaca: “Mana allita ruracushcata saquishpa cutirichij. Jahua pachamanta mandanamari ña c'uchuyamushca” nircami.

Marcos 6:12

Yachacujcuna rishpaca, gentecuna Taita Diosman cutirichunmi huillarcacuna.

Lucas 16:16

Mandashcacunata, profetacuna huillashcataca Bautizaj Juan ricurina punlla camami yachachircacuna. Chai q'uipaca Taita Dios ima shina mandagrin alli huillaitami huillarca. Chaimanca tucuicunami ima shinapish yaicushun nicuncuna.

Lucas 9:2

Dios ña mandagricushcata huillashpa, ungushcacunata alliyachichunmi cacharca.

Lucas 9:6

Yachacujcuna rishpaca, llajtan llajtan rishpami, alli huillaita huillashpa, ungushcacunatapish alliyachishpa purircacuna.

Lucas 9:60

Chaimi Jesusca: –Huañushcacunataca huañushcacunallataj pambacuchun saquilla. Ashtahuanpish canca, Taita Dios ima shina mandagrinta huillagri– nircami.

Juan 3:2

Paimi Jesuspajman tuta shamushpaca: –Rabí, canca ñucanchijta yachachichun Taita Dios cachajpi shamushcatami yachanchij. Taita Dios mana paihuan cajpica, pi cashpapish can rurashpa ricuchishca shinataca, mana rurai tucunchu– nirca.

Hechos 10:25

Corneliopaj huasiman Pedro chayajpica, Cornelioca tupanaman llujshishpaca Pedrota adorangapaj,

Hechos 28:31

Chaipica Dios mandacujpi ima shina canata, Mandaj Jesucristomantapish mana manchashpa, pi mana jarcashcami yachachishpa causarca.

Hechos 4:2

Jesucristohuan shujlla tucushca cashpallami huañushcacunapaj chaupimanta causarinaca tiyan nishpa yachachicujpimi p'iñarircacuna.