Mateo 10:6 - Dios Rimashca Shimicunami

⁶ Ashtahuanpish Israelpaj huahua huahuacuna chingarishca ovejacuna shina puricujcunapajman” richij.

Mushuj Testamento Diospaj Shimi

⁶ Israelcunapajllaman richij. Paicunaca, ovejacuna chingarishca shinami puricun.

Mateo 10:6 Iomraidhean Croise

SALMOS 119:176

Chingarishca oveja shinamari puricuni. Quiquinpajta rurajtaca mashcahuayari. Quiquin mandashcacunataca manataj cungarij carcanica.

ISAÍAS 53:6

Tucui ñucanchijca caita chaita rishca ovejacuna shinamari ch'icanyashcanchij. Cada quiquinmi quiquin ñanta rishcanchij. Ashtahuanpish Mandaj Diosca, tucui ñucanchij juchacunataca paimanmari apachirca.

JEREMÍAS 50:17

Israelcunaca, leoncuna catijpi chingarishca ovejacuna shinami. Puntaca Asiria llajtata jatun mandajmi micurca. Pai saquishcacunataca, Babilonia llajtata jatun mandaj Nabucodonosormi tucui tullucunata p'aquishpa micurca.

JEREMÍAS 50:6

Ñuca agllashcacunaca, chingarishca ovejacunami carca. Michijcunamari pandachircacuna. Paicuna urcucunaman pushashpa shitashpa saquijpimari, loman loman purishpa corraltapish cungarishpa mana tigrarcacuna.

EZEQUIEL 34:16

Chingarishpa caita chaita puricujtapish mashcashpa japishpaca, corralmanmi tigrachimusha, chaqui p'aquitapish c'acushpa huatashami, irquitapish ayudashami. Ashtahuanpish huirayashca ovejacunatapish, c'ari c'ari ovejacunatapish chingachishami, cashcata rurashpami paicunataca michisha ninmi.

EZEQUIEL 34:4

Irquicunatapish manamari ayudanguichijchu, ungushcatapish manamari jambinguichijchu, chaqui p'aquitapish manamari huatachinguichijchu, caita chaita puricujcunatapish manamari corralpi tandachinguichijchu, chingarishcatapish manamari mashcanguichijchu. Ashtahuanpish sinchita llaquichishpami mandanguichij.

EZEQUIEL 34:6

Ñuca ovejacunaca chingarishpami, tucui urcucunata, tucui lomacunata purircacuna. Ñuca ovejacunaca cai pachapica, caita chaitami rircacuna. Paicunataca pipish mana mashcarcacunachu, paicunamantaca pipish mana tapurcacunachu ninmi ningui.

EZEQUIEL 34:8

Mandaj Jatun Diosca cashnami nin: Ñucaca causacunimi, ñuca canlla ovejacunataca michij illashcamantami shuhuarcacuna, p'iña animalcunami mirga mirgata rurashpa micurcacuna. Chashna cajpipish ñuca ovejacunataca, michijcunapish mana mashcagrircacunachu, ashtahuanpish chai michijcunaca quiquinllatatajmi michirircacuna. Ñuca ovejacunataca, manamari michircacunachu ninmi.

Mateo 18:10

Maijan cai uchillacuna shinataca ama yanganchinguichijchu. Chaimanta cashnami nini: Jahua pachapi caj ñuca Yayapaj ñaupajpi caj angelcunami paicunataca ricuracuncuna.

Mateo 18:11

Runa Aichayujca, chingarishcacunata quishpichingapajmi shamurca.

Lucas 24:47

Jerusalenmanta callarishpa, tucui llajtacunapi causajcunaman mana allita ruracushcata saquishpa cutirichij, juchacunata Taita Dios perdonachun nishpa paipaj shutipi huillashcami canga nishcamari.

Hechos 13:46

Chashna nicujpipish Pablohuan, Bernabehuanca mana manchashpami cashna nircacuna: –Cancunamanrajmi Taita Diospaj Shimitaca huillana carcanchij. Chashna cajpipish ñucanchij huillashcata mana uyashun nishpaca, huiñai causaitaca mana charinapaj cashcatami cancunallataj ricuchinguichij. Cunanca mana judiocunaman huillanaman rinchij.

Hechos 18:6

Ashtahuanpish judiocunaca p'iñarishpami mana alli shimicunata rimashpa c'amircacuna. Chaimi Pabloca pai huillashcata mana uyashun nishcata ricuchingapaj churanata chaspishpaca: –Cancunapaj juchacunamanta Taita Dios llaquichijpica cancunapaj jahuallatajmi canga. Ñucataca imata mana juchachi tucunguichijchu. Ñucaca tucui imalla huillana cashcataca huillarcanimi. Cunanca mana judiocunapajmanmi rigrini– nirca.

Hechos 26:20

Chaimi Damascopi huillai callarishpaca, Jerusalenpipish, tucui Judeapipish huillarcani. Chai q'uipaca mana judiocunamanpishmimana allita ruracushcata saquishpa Taita Diosman cutirichij nishpa huillarcani. Taita Diosman cutirishcata ricuchingapajca allicunata ruraichij nircanimi.

Hechos 3:26

Taita Diosca paipaj Churita causachishpaca, cancunaman allicunata cuchunmi cancunapajmanraj cacharca. Cancunataca cada quiquinta millaita ruracushcata saquichingapajmi chashna cacharca” nircami.

1 Pedro 2:25

Cancunaca chingarishca ovejacuna shinami carcanguichij. Ashtahuanpish cunanca cancunapaj almacunata Michijpajman Obispopajmanmi tigrashcanguichij.