Mateo 10:5 - Dios Rimashca Shimicunami

⁵ Jesusca chunga ishqui yachacujcunata huillanaman cachacushpaca cashna nishpa yachachishpami cacharca: “Mana israelcunapajman rina ñantaca, ama ringuichij. Samariacunapaj pueblocunamanpish ama yaicunguichij.

Mushuj Testamento Diospaj Shimi

⁵ Jesusca, Paipaj chunga ishqui yachacujcunataca, cashna yachachishpami cacharca: —Mana israelcuna causan llajtacunamanca, ama ringuichijchu. Samaria llajta pueblocunamanpish ama yaicunguichijchu.

Mateo 10:5 Iomraidhean Croise

Mateo 22:3

Chai mandajca bodaman cayashcacunata pushamuchunmi, paipajta rurajcunata cacharca. Ashtahuanpish paicunaca mana shamushun nircacunachu.

Mateo 4:15

“¡Jordán ch'imba ladota cuchaman rina ñanpi caj llajtacuna Zabulón llajta, Neftalí llajta uyaichij Galileapi causaj mana israelcuna uyaichij!

Marcos 6:7

Chai q'uipami Jesusca chunga ishqui yachacujcunata cayashpaca, millai supaicunata llujshichi tucunatapish cushpa ishqui ishquita cachai callarirca.

Lucas 10:1

Chaipaj q'uipami Mandaj Jesusca, shujtaj canchis chungacunatapish agllarca. Paicunataca pai maillaman rina cashca pueblocunamanmi ishqui ishquita ñaupachishpa cacharca.

Lucas 10:33

Ashtahuanpish Samaria llajtamanta shuj runapish chai ñanllatataj shamucushpami, chaiman c'uchuyashpa ricushpaca, shungumanta llaquirishpa,

Lucas 17:16

Paica, Jesuspaj ñaupajpi cungurishpa, pambacama cumurishpami pagui nicurcalla. Chai runaca, Samariamantami carca.

Lucas 9:1

Jesusca chunga ishqui yachacujcunata tandachishpami, tucui laya supaicunata llujshichi tucunata, ungushcacunata alliyachi tucuna podertapish curca.

Lucas 9:2

Dios ña mandagricushcata huillashpa, ungushcacunata alliyachichunmi cacharca.

Juan 17:18

Ima shinami ñucataca cai pachapi causajcunaman huillachun cacharcangui. Chashnallatajmi ñucapish cai pachapi causajcunaman huillachun paicunataca cachani.

Juan 20:21

Jesusca cutinllatajmi paicunataca: –¡Sumaj causai cancunahuan cachun! Ima shinami Yaya ñucata cacharca, chashnallatajmi ñucapish cancunataca cachani– nircami.

Juan 4:20

Ñucanchij ñaupa yayacunaca, cai urcupimi adorajcuna carca. Ashtahuanpish cunan cancunaca, Jerusalenllapimi adorana ninguichijmi– nircami.

Juan 4:5

Samariaman rishpaca Sicar nishca shuj pueblomanmi chayagrirca. Chai puebloca, yaya Jacob paipaj churi Joseman cushca allpa c'uchullapimi carca.

Juan 4:9

Chaimi Samaria huarmica: –Ñucaca Samariamanta huarmimi cani. Canca judiomi cangui. ¿Ima nishpataj ñucataca yacuta cuhuai ninguiyari?– nirca. (Judiocunahuan samariacunahuanca mana apanacuj cashcamantami chashna nirca).

Juan 7:35

Chaimi judiocunaca paicunapura cashna ninacurca: –Ñucanchij mana japi tucuchunca ¿Caica maimanshi rigrin? ¿Griegocunapaj llajtapi causacuj israelcunapajman rishpa griegocunata yachachinamanchu ringa, imashi?

Juan 8:48

Jesús chashna nijpimi judiocunaca: –Canca supaitamari charingui. Samariataj Samaria nishpaca, allitajmari nishcanchij– nircacunami.

Hechos 1:8

Shina cajpipish jucha illaj Espíritu cancunapaj jahuaman shamujpimi, imatapish rurai tucuj canguichij. Chashna cashpami ñucamantaca Jerusalenpi, tucui Judeapi, Samariapi, cai pachapi tiyaj tucui llajtacunapi huillanguichij– nircami.

Hechos 10:45

Circuncisionta rurashca crijcunami Pedrohuanca shamushcacuna carca. Paicunaca mana judiocunapaj jahuamanpish, jucha illaj Espíritu shamujta ricushpaca yallitaj mancharircacuna.

Hechos 8:1

Sauloca, Estebanta huañuchijta ricushpaca allimi nircami. Chai punllacunallatajmi, Jerusalenpi caj tandanacushca crijcunataca llaquichina yuyailla tucushpa jatunta llaquichi callarircacuna. Chaimi tandanacushca crijcunaca tucuicuna caita chaita miticushpa Judea, Samaria llajtacunata rircacuna. Apostolcunallami mana maiman rircacuna.

1 Tesalonicenses 2:16

Mana judiocuna quishpirichun huillajtapishmi ñucanchijtaca jarcancuna. Chashna rurashpami paicunapaj juchacunataca, yallijta jundachincuna. Chaimi Taita Diospaj p'iñaica, yallitaj paicunapaj jahuaman shamurca.