Mateo 10:41 - Dios Rimashca Shimicunami

⁴¹ Profetataj cashcata yachashcamanta paipaj huasipi paita chasquijmanca, pai japina cashcataca profetaman shinallatajmi cunga. Maijanpish cashcata rurajtaj cashcata yachashcamanta paipaj huasipi paita chasquijmanca, pai japina cashcataca cashcata rurajman shinallatajmi cunga.

Mushuj Testamento Diospaj Shimi

⁴¹ Shuj huillajta, Dios ima nishcata huillaj cashcamanta chasquijmanca, chai huillajman allita cuj shinallatajmi Diosca cunga. Cashcata ruraj runata, cashcata ruraj cashcamanta chasquijmanca, Diosca cashcata rurajman allita cuj shinallatajmi cunga.

Mateo 10:41 Iomraidhean Croise

GÉNESIS 20:7

Cunanca chai huarmitaca paipaj cusallamantaj tigrachi. Abrahamca ñuca ima nishcata huillaj cashcamanta can causashpa catichun ñucata mañangami. Chai huarmita mana tigrachishpaca, canpish can mandacun llajtapi causajcunapish huañunataj cashcatami yachana cangui” nirca.

ISAÍAS 3:10

Cashcata rurajtaca tucui imapipish allimi ringui ni. Quiquin maquihuan rurashcatami micunga.

Mateo 16:27

Runa Aichayujca, paipaj angelcunandij, paipaj Yayapaj achij nicuj sumaj cashcahuan shamushpaca, cada quiquinmanmi paicuna rurashca shinallataj cunga.

Mateo 25:44

Chaipimi paicunapish: “Amito, ¿maipitaj yaricaihuan, yacunaihuan, shujtaj llajtamanta shamushpa puricujpi, churana illajlla, ungushca, mana cashpaca carcelpi cajta ricushpapish mana servircanchigari?” nishpami cutichingacuna.

Mateo 25:45

Chaimi paicunataca: “Tucuimanta yalli cai uchillacunapaj ima allita mana rurashpaca, ñucapajmari mana rurarcanguichij” ninga. Chashnatajmi canga.

Mateo 6:1

Runacunapi alli ricuringa raiculla paicunapaj ñaupajpi allita ruraj canamantaca huaquichirichij. Chai raiculla rurashpaca jahua pachapi caj cancunapaj Yayapajta japina cashcataca mana japinguichijchu.

Mateo 6:18

Chashna ayunashpami, can ayunacushcataca runacunamanca mana ricuchingui. Ashtahuanpish pacallapi caj cambaj Yayallami yachanga. Pacallatapish ricuj cambaj Yayami, tucuicunapaj ñaupajpi can japina cashcata cunga.

Mateo 6:4

Can huajchacunaman pacalla cujpica, pacallatapish ricuj cambaj Yaya can japina cashcata tucuicunapaj ñaupajpi cuchunmi chashna rurana cangui.

Mateo 6:6

Ashtahuanpish can mañashpaca, huasiman yaicushpa, punguta huichcari. Chaipi cambaj Yayataca pacallapi mañangui. Can chashna mañashcamantaca pacallatapish ricuj cambaj Yayaca, tucuicunapaj ñaupajpimi can japina cashcata cunga.

Mateo 7:8

Mañajcunaca tucuicunami chasquin. Mashcajpish japinmi. Huasiyuj nijpipish yaicuchingami.

Hechos 16:15

Chaimi paipaj tucui familiandij bautizarishpa ñucanchijtaca: –Cancuna ñucata ña Mandaj Jesusta crijtaj cashcata ricushpaca, jacuchij ñuca huasipi pozanguichij– nishpaca saquichircatajmi.

Romanos 16:23

Ñucata pozachij Gayo, paipaj huasipi tandanacuj crijcunapish allillachu canguichij nincunami. Pueblopaj cullquita huaquichij Erasto, huauqui Cuartopish cancunataca, allillachu canguichij nincunami.

1 Corintios 9:17

Chaimanta ñuca munaihuantaj rurashpaca, japina cashcatami charisha. Ashtahuanpish mana ñuca munaihuantaj rurashpaca, rurachun nishpa mingashcallatami pajtachini.

Hebreos 6:10

Diosca cashcata ruraj cashcamantaca, cancunapaj rurashcacunata paipaj shutipi c'uyaihuan trabajashpa ricuchishcata, jucha illajcunapajta rurashpa cunancamapish ruracushcamantaca manataj cungaringachu.

2 Juan 1:8

Cancuna trabajashcamanta japina cashcata ñataj mana japinguichijman. Ashtahuanpish tucuitataj japingapajca alli yuyaihuan caichij.