Mateo 10:4 - Dios Rimashca Shimicunami

⁴ Canaán quiquin llajtamanta macanacujpuramanta Simonpish, Jesusta huañuchichun japichij Judas Iscariotepishmi carca.

Mushuj Testamento Diospaj Shimi

⁴ Cananistacunapuramanta Simonpish, Judas Iscariotepishmi. Paimi Jesustaca, huañuchijcunapaj maquipi churarca.

Mateo 10:4 Iomraidhean Croise

Mateo 26:14

Chai q'uipami, chunga ishqui yachacujcunapuramanta Judas Iscarioteca, curacunata mandajcunapajman rishpaca:

Mateo 26:15

“Jesusta huañuchichun ñuca entregajpica ¿imatataj cusha ninguichij?” nijpi paicunaca, quimsa chunga cullquitami cushun nishpa curcacuna.

Mateo 26:2

“Pascua fiestapajca, ishqui punllalla illashcataca yachanguichijmi. Chaipimi Runa Aichayujtaca, chacatachun entreganga” nircami.

Mateo 26:47

Jesús chashna rimacujpirajmi, chunga ishquipuramanta caj Judasca ña chayamurca. Paihuanca curacunata mandajcuna, israelcunapaj cunaj yuyajcunapish cachashca achca runacunami espadacunahuan, caspicunahuan shamurcacuna.

Mateo 27:3

Jesusta huañuchichun entregaj Judasca, Jesustaca ña huañuchinapaj cajta ricushpami, achcata llaquirishpa pai chasquishca quimsa chunga cullquitaca curacunata mandajcunaman, cunaj yuyajcunaman,

Marcos 14:10

Chai q'uipami, chunga ishqui yachacujcunapuramanta Judas Iscarioteca, Jesusta japichisha nishpa curacunata mandajcunahuan parlanacugrirca.

Marcos 14:43

Jesús chashna rimacujpirajmi, chunga ishquipuramanta caj Judasca ña chayamurca. Paihuanca achca runacunami espadacunahuan, caspicunahuan shamurcacuna. Chaicunaca curacunata mandajcuna, mandashcacunata quillcajcuna, cunaj yuyajcunapish cachashcacunami carca.

Lucas 22:3

Paicuna chashna yuyacujpica Judas Iscariotepaj shungupimi, Satanasca yaicurca. Paica Jesuspaj chunga ishqui yachacujcunapuramantami carca.

Lucas 22:47

Jesús chashna rimacujpirajmi, achca gentecuna chaiman shamurcacuna. Chunga ishqui yachacujcunapuramanta caj Judas shuti runami, paicunata pushashpa ñaupashpa shamurca. Jesusta muchangapaj pai c'uchuyajpimi,

Juan 13:2

Jesusca paipaj yachacujcunandijmi micucurca. Simonpaj churi Judas Iscariotepaj shungupica, ñaupamanmi diabloca Jesusta huañuchichun japichina yuyaita churashca carca.

Juan 6:64

Chashna huillajpipish cancunamanta maijancunaca manaraj cringuichijchu– nircami. (Jesusca callarimantami maijanlla mana crij cashcata, pi paita japichina cashcatapish yacharca).

Juan 6:71

Simonpaj churi Judas Iscariotetami chashnaca nirca. Paimi Jesustaca japichina carca. Paica chunga ishqui yachacujcunamanta shujmi carca.

Hechos 1:13

Chaiman chayashpaca, paicuna pozacushca altibajo huasimanmi huichiyarcacuna. Paicunaca Pedro, Jacobo, Juan, Andrés, Felipe, Tomás, Bartolomé, Mateo, Alfeopaj churi Jacobo, Zelote nishca Simón, Jacobopaj huauqui Judaspishmi carcacuna.

Hechos 1:25

Paica can imalla rurai nishcata ñucanchijhuan rurachun, apóstol canatapish japichun. Judasca millaita rurashpa urmashcamantami pai maiman rina cashcaman rin” nircacunami.