Mateo 10:21 - Dios Rimashca Shimicunami

²¹ Huauquita huañuchichunca huauquillatajmi japichinga. Yayaca churitami japichinga. Huahuacunapish, yaya mamata p'iñashpa jatarishpami huañuchichinga.

Mushuj Testamento Diospaj Shimi

²¹ Quiquin huauquillatajmi huañuchichun japichinga. Yayacunapish quiquin huahuacunatami japichinga. Huahuacunapish, yaya mamata pʼiñashpami huañuchichinga.

Mateo 10:21 Iomraidhean Croise

2 SAMUEL 16:11

Davidca Abisaitapish, tucui paipajta rurajcunatapish: –Ñucamanta llujshishca ñuca churillataj ñucata huañuchisha nishpa puricujpica, Benjaminpaj aillucarin chashna ningallatajmari. Llaqui tucushca canman nichun saquichijlla, Mandaj Diosllatajmi mandashca canga.

JOB 19:19

Ñucahuan alli apanacujcunapish tucuicunami ñucataca p'iñarcacuna. Ñuca c'uyashcacunapish llaquichircacunami.

SALMOS 50:20

Tiyarinapi tiyarishpaca cambaj huauquipaj contrami rimarcangui. Quiquin huauquitapish yangapimi churarcangui.

ISAÍAS 19:2

“Egipciocunataca paicunapurallataj macanacuchunmi jatarichigrini. Cada quiquinmi paicunapaj huauquillahuantaj macanacungacuna. Cada quiquinmi llajtapi causajcunallahuantaj macanacungacuna. Shuj puebloca caishuj pueblohuanmi macanacunga. Shuj llajtaca caishuj llajtahuanmi macanacungacuna.

ZACARÍAS 13:3

Chai punllapica, cashnapishmi tucunga: Maijan huillaj runa huillacujpica, paipaj quiquin yayallataj, paita huachaj mamallatajmi cashna ninga: Mandaj Diosmantami huillacuni nishpa llullashcamantaca, mana causanguichu nishpaca, paipaj quiquin yayallataj, paita huachaj mamallatajmi paitaca tujsishpa huañuchingacuna.

Mateo 24:10

Chaipica achcacunami ñucata caticushcamanta saquirishpa huañuchijcunaman caishuj chaishuj japichingacuna, caishujmanta chaishujmantapishmi p'iñanacungacuna.