Mateo 10:16 - Dios Rimashca Shimicunami

¹⁶ Cancunataca ovejacunata atujcunapaj chaupiman cachaj shinami cachani. Culebra shina yachaj, paloma shina manso caichij.

Mushuj Testamento Diospaj Shimi

¹⁶ Riquichij, cancunataca ovejacunata atujcunapaj chaupipi cacharij shinami, millai runacunapajman cachani. Chaimanta, culebra shina yuyaisapa caichij, paloma shina alli caichij.

Mateo 10:16 Iomraidhean Croise

GÉNESIS 3:1

Mandaj Taita Dios rurashca tucui animalcunamanta yalli yachajca culebrami carca. Paimi huarmitaca: –¿Cancunataca Taita Diostajchu, cai huertapi tiyaj yuracunamantaca ama micunguichij nirca?– nishpa tapurca.

GÉNESIS 3:13

Chaimi Mandaj Taita Diosca Evataca: –¿Imatataj rurashcanguichu imamí?– nijpi Evaca: –Culebra umajpimari micurcani– nirca.

NEHEMÍAS 4:13

Chaimi ñucaca cada familia tandanacushcata pircata manaraj altota pircashcacunapi, maipi manaraj pircashcacunapi paicunapaj espadacunahuan, lanzacunahuan, arcocunahuan cuidachun churarcani.

JEREMÍAS 40:16

Shina nijpipish Ahicampaj churi Gedaliasca, Careapaj churi Johanantaca: –Ama chaita ruragrichu, Ismaeltaca manapish pai rurasha nicushcata yanga juchachicunguillami– nircami.

OSEAS 7:11

Efrainca yuyai illaj paloma shinami. Ima alli cashcata, ima mana alli cashcata mana yachanchu. Egiptota ayudata mañashca jahuapish, Asiriahuanmi tandanacun.

Mateo 24:25

Ñucaca ñaupamanmi imalla tucuna cashcataca ña huillani.

Mateo 24:45

¿Maijanshi ima rurana cashcata chaitataj ruraj servijca canga? Amo paipaj huasipi cajcunaman carana horaspitaj carachun saquijpi, chashnataj ruraj servijmari alli runaca.

Mateo 25:2

Chaicunamanta pichcaca alli yuyaiyujmi, pichcaca yuyai illajmi carca.

Mateo 25:4

Alli yuyaiyujcunaca lamparatapish aceite apanapi aceitetapish aparcacunami.

Mateo 25:9

Ashtahuanpish alli yuyaiyuj pichca solteracunaca: “Ñucanchijpajpish, cancunapajpish ama illachun, c'atujcunapajman rishpa, cancunapajtaj cachun randigrichij” nircacunami.

Lucas 10:3

Richij, cancunataca atujcunapaj chaupiman ovejacunata cachaj shinami cachani.

Lucas 21:15

Cancunamanca ñucami imallata rimanata, yachaitapish cusha. Chaipica cancunata p'iñajcunaca imata mana juchachi tucushpa upalla saquiringallami.

Hechos 20:29

Ñuca rishca q'uipaca, cancunapaj chaupimanca millpuj atujcuna shina shamushpami, ovejacunataca urata janajta apangacuna.

1 Corintios 14:20

Huauquicuna, yuyanapajca ama huahuacuna shina caichijchu, ashtahuanpish yuyajcuna shina yuyaichij. Ima mana allipajca, huahuacuna shina caichij.

2 Corintios 1:12

Ñucanchijca cai pachapi Dios cushca mapa illaj, mana nij tucushcalla causaita cancunahuan causashcamantami cushicunchij: Chaica mana runacunapaj yachaimantachu, ashtahuanpish Diospaj mana c'uyaipajta c'uyaihuanmi chashna causarcanchij. Chaitaca ñucanchij ucu yuyaipimi huillacun.

2 Corintios 11:14

Chaicunataca, imata mana manchachinchu. Satanasllatajpish, achij nicuj ángel shina tucunllami.

2 Corintios 11:3

Chashna cajpipish culebra achca yachaj cashpa Evata umashca shinallataj, cancunatapish tucui shunguhuan mana nij tucushpalla Cristota c'uyacushca yuyaicunata ima shinapish umashpa cungachinatami manchacuni.

2 Corintios 8:20

Cai achca cullquita cushcacunata tandashcataca, pipish ama yanga juchachichun nishpami, chashna alli cuidashpa apacunchij.

Filipenses 2:15

Mana alli shungu, millai runacunapaj chaupipica, Diospaj huahuacuna mapa illaj, pi mana juchachipaj alli shungu caichij. Paicunapaj chaupipica cai pachapi achijyachijcuna shina achijyachichij.

Colosenses 1:9

Chaita uyashca punllamantami, cancunamanta Taita Diosta mañanataca ñucanchijca mana shaicunchij. Taita Diospaj munaita allitaj yachajcanahuan, yachaisapa canahuan, Taita Diosmanta yuyaisapa canahuan cachunpishmi mañacunchijlla.

Colosenses 4:5

Yachaj cashcamanta, mana crijcunahuanca alli caichij. Paicunaman huillanalla cajpica huillaichijlla.

1 Tesalonicenses 2:10

Huauquicuna, ñucanchijca cancunahuan ima shina jucha illajlla, cashcata rurashpa, mana juchachipaj cashcataca cancunapish yachanguichijmi, Taita Diospish yachanmi.

1 Tesalonicenses 5:22

Tucui millaimantaca anchurichij.