Mateo 10:15 - Dios Rimashca Shimicunami

¹⁵ Mana chasquisha nij pueblocunapajca, imalla rurashcata Taita Dios ricuchi punllapica Sodoma, Gomorra llajtacunapi causajcunapajta yalli mana apaipaj llaquimi canga. Chashnatajmi canga.

Mushuj Testamento Diospaj Shimi

¹⁵ Cancunata mana chasquijcunataca, imalla rurashcata Dios ricuchi punllapica Sodoma shuti, Gomorra shuti pueblocunata yallimi llaquichinga, chashnatajmi canga.

Mateo 10:15 Iomraidhean Croise

Mateo 12:36

Chashna cajpipish: Gentecunaca maipish cachun rimashcacunataca, imalla rurashcata Taita Dios tapucui punllapimi imamanta chashna rimashcataca paicunallataj huillacungacuna.

Mateo 5:18

Jahua pachapish, cai pachapish manaraj tucurijpimi mandashcacunamanta huillashcacunaca shuj puntollapish, shuj tildellapish mana chingarishpa, chashnataj pajtanga. Chaica chashnatajmi canga.

Mateo 7:22

Chai punllapica achcacunami ñucataca: “Mandaj Jesús, Mandaj Jesús, cambaj shutipimi huillarcanchij, cambaj shutipimi supaicunata llujshichircanchij, cambaj shutipimi achca milagrocunatapish rurarcanchij” ningacunami.

Marcos 6:11

Maipi cashpapish cancunata mana chasquisha nishpa, huillashcatapish mana uyashun nijpica, paicuna llaquita apana cashcata ricuchingapajca cancunapaj chaquimanta ñutu allpatapish chaspishpa chaimanta llujshishpa ringuichijlla. Imalla rurashcata Taita Dios ricuchi punllapica Sodoma, Gomorra llajtacunapi causajcunapajta yalli mana apaipaj llaquimi canga. Chashnatajmi canga– nircami.

Juan 12:48

Pipish ñucata p'iñashpa mana ricunachishpa, ñuca rimashcacunata mana chasquijca, pai ima shina cashcata ricuchijtami charin. Cai ñuca huillashca Shimimi, tucuri punllapica pai ima shina cashcataca ricuchinga.

Juan 6:39

Ñucata cachaj Yayaca, pai agllashpa cushcacunataca shujllatapish chingachichunca mana munanchu. Ashtahuanpish shamuj punllapi causachichunmi munan.

Juan 6:40

Ñucata cachaj Yayapaj munaica caimi: Maijanpish Churita ricushpa paita crijca, huiñai causaita charichunmi munan. Tucuri punllapica ñucami paicunataca causachisha– nircami.

Hechos 17:31

Taita Diosca tucui cai pachapi causajcunata paicuna ima shina cashcatataj ricuchingapajca ñami shuj punllata agllashcata charin. Tucui chaicunata rurashpa ricuchij cachunca pai agllashca runatami huañushcacunapaj chaupimanta causachishpa ricuchirca” nircami.

1 Corintios 3:13

Cada quiquin imata rurashcataca, shamuj punllapimi ninahuan ricuchishca canga. Cada quiquinpaj imalla rurashcataca, alli cashcatapish mana alli cashcatapish ninallatajmi ricuchinga.

1 Tesalonicenses 5:4

Ashtahuanpish huauquicuna, cancunaca chai punlla shuhua shina ñapish japichunca, mana amsapichu canguichij.

Hebreos 10:25

Ñucanchij tandanacuiman rina cashcallamanta puricujcuna, ña mana rij shinaca ama rurashunchijchu. Chaipaj randica, Jesucristo shamuna punlla ñalla chayamucushcata yachashcamantacarin, ashtahuan yuyachinacushunchij.

2 Pedro 2:6

Sodoma, Gomorra pueblocunatapish Diosca jatun llaquita cachashpami, ushpayajta rupachishpa chingachishca. Q'uipa punllacunapi Diosta mana manchashpa causajcunatapish, ima shina llaquichina cashcata ricuchingapajmi chashna rurashca.

2 Pedro 2:9

Tucui chaicunata rurashpaca, Jatun Diosca pai yuyailla cajcunataca llaquimanta quishpichij cashcata, shinallataj millaita rurajcunataca jatun llaquiman cachanapaj chai punllacama ch'icanchishpa charicuj cashcatami ricuchin.

2 Pedro 3:7

Chashna cajpipish cunan tiyaj jahua pachapish, cai pachapish Dios rimajllapitajmi, ninahuan rupachinapaj ch'icanchishca tiyacun. Diosta mana rijsijcunata imalla rurashcata ricuchishpa chingachina punllapimi, chashna chingachinga.

1 Juan 4:17

Jesucristo cai pachapi causacushpa ima shina c'uyaj cashca shinallataj ñucanchijpish c'uyashpa causashpaca, imalla rurashcata Dios ricuchicui punllapica imata mana manchashunchu.

Judas 1:6

Angelcunapish mandaj cachun churashcallapi mana cashun nishpa, ashtahuanpish paicuna causacunmanta anchushpa rishcamantaca Diosca jatunta llaquichina punllacamami huiñaita mana llujshipaj amsapi prezu huaquichishca.

Judas 1:7

Sodoma, Gomorra pueblocunapish chai c'uchullapi caj pueblocunapish chai angelcuna shinallatajmi tucushcacuna. Paicunaca huainayana yuyaillahuan cashpami, c'aricunapurallataj, huarmicunapurallataj mana rurana cashca pinganayaj millaita rurashcacuna. Chaimantami shujtajcunapish ama paicuna shina cachun yuyachingapaj, huiñaipaj ninahuan chaicunataca llaquichishca.