Mateo 10:10 - Dios Rimashca Shimicunami

¹⁰ Ñanpi micunapaj cucayutapish ama apanguichij. Camizatapish, pargatetapish shujtajtaca ama apanguichij. Taunatapish ama apanguichij. Imata rurajpish chaipi rurashcamantami micunata charin.

Mushuj Testamento Diospaj Shimi

¹⁰ Shinallataj ñanpi micunapaj cucayu mochilatapish ama apanguichij. Churanatapish, pargatetapish churashcalla ringuichij, ama ishquita apashpa ringuichijchu. Taunallatapish ama aisashpa ringuichij. Cancunaca servinamanmi ricunguichij, servishcamantaca chasquinguichijmi.

Mateo 10:10 Iomraidhean Croise

NÚMEROS 18:31

Chaicunataca Dioshuan tupanacuna carpa huasipi cancuna imalla rurana cashcata rurashcamanta japina cashcamanta japishpa cancunapish, cancunapaj familiacunapish maipi cashpapish micunguichijlla.

Mateo 10:11

Ashtahuanca cancuna mai puebloman, mai llajtaman chayashpaca, maijanpish chasquipaj alli shungu cajta mashcashpa chaiman chayanguichij. Shujtaj llajtaman ringacama chai huasillapitaj saquiringuichij.

Marcos 6:8

Paicunata cachacushpaca: “Tauna caspillata apanguichij. Muchilatapish, tandatapish, cullquitapish ama apanguichij.

Lucas 3:11

Chaimi Juanca: –Pipish ishqui churanata charijca, mana charijman shujta cuchun. Micunata charijpish, mana charijman carachun– nirca.

Lucas 9:3

Paicunataca cashnami nirca: –Cancuna rishpaca taunata, muchilata, cucayuta, cullquitapish ama apanguichijchu. Shujtaj churanatapish, ama apashpa, churashcalla ringuichij.

2 Timoteo 4:13

Can shamushpaca, Troaspi caj Carpopaj huasipi saquimushca churanata, librocunata, ashtahuantajca quillcana caracunata apamungui.

1 SAMUEL 17:40

Chai q'uipaca paipaj bastonta maquihuan japishpa rishpaca yacu ricunpi pichca llambujlla rumita agllashpa japishpami, michinaman cucayashpa apana muchilapi churashpa, paipaj huaracata apashpa filisteopajman rirca.

1 SAMUEL 9:7

Chaimi Saulca paipajta rurajtaca: –Shinashpaca jacu, shina cashpapish chai runapajca ¿imatataj apashunri? Ñucanchij apamushca tandacunapish muchilacunapi ñamari illan. Diospajlla runaman cungapajca imata mana charinchijca. ¿Imatataj cushunri?– nirca.