Mateo 10:1 - Dios Rimashca Shimicunami

¹ Chai q'uipami Jesusca, paipaj chunga ishqui yachacujcunata cayashpaca, mapa espiritucunata llujshichi tucunatapish, tucui ungüihuan, tucui nanaihuan cajcunata alliyachi tucunatapish curca.

Mushuj Testamento Diospaj Shimi

¹ Chai qʼuipami Jesusca, Paipaj chunga ishqui yachacujcunata cayarca. Paicunamanca millai espiritucunata llujshichi tucunatapish, ima ungüihuan, ima nanaihuan cajcunata alliyachi tucunatapishmi curca.

Mateo 10:1 Iomraidhean Croise

Mateo 19:28

Chaimi Jesusca: –Dios tucuita mushujyachi punllapimi, Runa Aichayujca paipaj sumaj jatun tiyanapi tiyaringa. Cancunapish ñucata catishcamantaca, chaipimi chunga ishqui jatun tiyanacunapi tiyarishpa chunga ishqui Israel aillucuna imalla rurashcata paicunaman ricuchinguichij. Chaica chashnatajmi canga.

Mateo 26:20

Ña tutayajpi, chunga ishqui yachacujcunandij Jesusca micungapaj tiyarishpa,

Mateo 26:47

Jesús chashna rimacujpirajmi, chunga ishquipuramanta caj Judasca ña chayamurca. Paihuanca curacunata mandajcuna, israelcunapaj cunaj yuyajcunapish cachashca achca runacunami espadacunahuan, caspicunahuan shamurcacuna.

Mateo 4:23

Jesusca, tucui Galileata rishpami paicunapaj sinagogacunapi yachachishpa, Taita Dios mandana alli huillaita huillashpa, tucui laya ungüihuan cajcunatapish, ima nanaihuan cajcunatapish tucuicunata alliyachirca.

Mateo 6:13

Ima mana allipi urmachun ama saquihuangui. Tucui millaimanta huaquichihuangui. Mandanapish, tucuita rurai tucuj canapish, jatun nishca canapish cambajmi. Chaica huiñai huiñaita chashna nishca cachun. Chashna cachun”.

Mateo 9:35

Jesusca tucui pueblocunata llajtacunata purishpami, Taita Dios mandana alli huillaita paicunapaj sinagogacunapi yachachishpa tucui laya ungüihuan cajcunata, nanaihuan cajcunata tucuicunata alliyachirca.

Mateo 9:38

Tandajcunata cachachun, Chagrayuj amota mañaichij” nircami.

Lucas 10:19

Cancunamanca culebracunata, escorpioncunata saruna poderta, p'iñaj diablota cazuchina podertami cuni. Chaimanta cancunataca imata mana rurai tucungachu.

Lucas 21:15

Cancunamanca ñucami imallata rimanata, yachaitapish cusha. Chaipica cancunata p'iñajcunaca imata mana juchachi tucushpa upalla saquiringallami.

Lucas 24:49

Cunanca ñuca Yaya cusha nishca Espiritutami cancunapajman cachasha. Jahuamanta cachashca tucuita rurai tucujhuan churaringacama, Jerusalenllapitaj shuyacunguichijlla– nircami.

Lucas 6:13

Ña achijyajpica paita caticujcunata cayashpami, paicunapuramanta chunga ishquita agllarca. Paicunatami apostolcunata shutichirca.

Juan 17:2

Quiquinca ñucataca cai pachapi tucui causajcunata mandaj cachunmi churarcangui. Maijanllata quiquin ñucaman cushcacunamanca tucuicunaman huiñai causaita cuchunmi ñucamanca curcangui.

Juan 3:27

Chaimi Juanca cashna nirca: –Jahua pachamanta mana cushca cajpica, runaca imata mana chasqui tucunchu.

Juan 3:35

Yayaca Churita c'uyashpami, tucui imatapish paipaj maquipi churarca.

Juan 6:70

Chaimi Jesusca: –Ñucaca cancunataca, chunga ishquitamari agllarcani. Ashtahuanpish cancunamanta shujca diablomari– nirca.

Hechos 1:8

Shina cajpipish jucha illaj Espíritu cancunapaj jahuaman shamujpimi, imatapish rurai tucuj canguichij. Chashna cashpami ñucamantaca Jerusalenpi, tucui Judeapi, Samariapi, cai pachapi tiyaj tucui llajtacunapi huillanguichij– nircami.

Hechos 19:15

Shina nijpi millai espirituca paicunataca: “Jesustaca rijsinimi. Pablo pihuan cashcatapish yachanimi. Cancunaca, ¿pitaj canguichij?” nircami.

Apocalipsis 12:1

Cielopica, mana ricushca shuj jatun mancharinami ricurirca: Intita churarishca shuj huarmimi, luna jahuapi shayacurca. Umapica chunga ishqui luzerocunamanta rurashca coronata churarishcami carca.