Mateo 1:18 - Dios Rimashca Shimicunami

¹⁸ Jesucristo huacharishcaca cashnami: Paipaj mama Mariaca, Josehuanmi cazaranapaj ari ninacushca carca. Manaraj tandalla causashpami, Mariaca jucha illaj Espiritumanta chichu ricurirca.

Mushuj Testamento Diospaj Shimi

¹⁸ Jesucristoca, cashnami huacharirca: Paipaj mama Mariaca, Josehuanmi caźarangapaj ari ninacushpa puricurca. Shinapish paihuan manaraj caźarashpami, Mariaca Diospaj jucha illaj Espiritumanta huijsapi huahuan ricurirca.

Mateo 1:18 Iomraidhean Croise

GÉNESIS 3:15

Cunanca canhuan, huarmihuanca p'iñanacuipimi churani. Cambaj huahua huahuacunahuanpish, huarmipaj huahua huahuacunahuanpish p'iñanacuipimi churani. Huarmipaj huahua huahuapurami cantaca umapi sarunga. Canca chaqui talonllapimi chugrichingui– nirca.

JOB 14:4

¿Juchata rurashcataca pi pichari tucuipajchu? Pitaj chaitaca pichari tucungari.

JOB 15:14

¿Runaca mapa illaj cangapajca imatagari? Huarmimanta huacharishca runa, ¿ima shinataj cashcata ruraj ricuringari?

Mateo 1:1

Jesucristoca Davidpaj, Abrahampaj huahua huahuapuramantami. Paipaj ñaupa yayacunapaj shuticunaca caicunami:

Mateo 12:46

Chaipi cajcunaman Jesús huillacujpirajmi, paipaj mamapish, huauquicunapish paihuan rimangapaj canllapi shuyacurcacuna.

Mateo 2:11

Huasiman yaicushpaca, huahuataca paipaj mama Mariahuan cajta ricushpami, cungurishpa adorarcacuna. Paicuna cungapaj apamushcacunata pascashpami achca valij curitapish, inciensotapish, mirratapish curcacuna.

Lucas 1:25

Chaipimi: “Mana huachaj nishpa pipish ama rimachun, Jatun Diosmari ñucataca chashna rurashca” nishpa yuyacurca.

Lucas 2:5

Joseca cazaranapaj ari ninacushca Mariandijmi shuticunata quillcachingapaj chaimanca rirca. Mariaca chichumi carca.

DEUTERONOMIO 22:23

C'arihuan manaraj chayarinacushca shuj soltera maijanhuan cazarangapaj ari ninacushca cangachari. Chai solterataca pueblopi shuj c'ari japishpa paihuan siriringachari.

Hebreos 10:5

Chaimantami Cristoca cai pachaman shamushpaca, Diostaca cashna nirca: “Sacrificiota, ofrendataca mana munarcanguichu. Chaipaj randica, ñucatami aichayujta rurarcangui.

Hebreos 7:26

Chashna curacunata jatun pushaj curami ñucanchijpajca minishtirirca. Paica: Jucha illaj, millaita ruranata mana yachaj, mapa illaj, juchayujcunamanta ch'icanyashca, jahua pachacunamanta jahuaman jatunyachishpa churashcami.