Lucas 9:60 - Dios Rimashca Shimicunami

⁶⁰ Chaimi Jesusca: –Huañushcacunataca huañushcacunallataj pambacuchun saquilla. Ashtahuanpish canca, Taita Dios ima shina mandagrinta huillagri– nircami.

Mushuj Testamento Diospaj Shimi

⁶⁰ Chashna nijpimi Jesusca, cashna nirca: —Huañushcaman rijchashpa causacujcunallataj paicunapaj huañushcacunata pambachun saquillari. Ashtahuanpish canca, Taita Dios mandacunta utca huillagri— nircami.

Lucas 9:60 Iomraidhean Croise

Mateo 4:23

Jesusca, tucui Galileata rishpami paicunapaj sinagogacunapi yachachishpa, Taita Dios mandana alli huillaita huillashpa, tucui laya ungüihuan cajcunatapish, ima nanaihuan cajcunatapish tucuicunata alliyachirca.

Mateo 8:22

Shina nijpi Jesusca: –Canca cunantaj ñucata catilla. Huañushcacunataca huañushcacunallataj pambacuchun saquilla– nircami.

Lucas 15:24

Cai ñuca churica huañushcami carca, cunanca causarishcami. Chingarishcami carca, cunanca tigramushcami” nishpami, yallitaj cushicui callarircacuna.

Lucas 15:32

Ashtahuanpish cambaj cai huauquica, huañushcami carca, cunanca causarishcami. Chingarishcami carca, cunanca tigramushcami. Chaimantaca jatun fiestata rurashpa cushicunatajmi canchij” nircami” nishpami parlarca.

1 Corintios 9:16

Alli huillaita huillashpaca, imamanta mana jatun tucunachu cani. Ashtahuanpish huillanataj cashcamantami huillani. ¡Alli huillaita mana huillashpaca aij ñucalla!

Efesios 2:1

Cancunapaj millai juchacunapi huañushcacuna cajpipish, Diosmi cancunaman causaita curca.

Efesios 2:5

Juchapi ñucanchij huañushca cajpipish, Cristohuan shujllata rurashpami, ñucanchijtaca causachirca. (Mana c'uyaipaj cajpipish c'uyashpa quishpichishcacunami canguichij).

1 Timoteo 5:6

Maijan viudaca aichata cushichina yuyailla puricushpaca, huañushca shinallatajmi.

2 Timoteo 4:2

Diospaj Shimitaca huillana horaspipish mana huillana horaspipish huillacuilla. Ima shina cashcatataj rimacuilla, sinchita cunacuilla, yuyachishpa rimaicuilla, ama p'iñarishpa yachachicuilla.

2 Timoteo 4:5

Ashtahuanpish canca, tucuipi alli yuyaiyuj cai. Llaquicunatapish apai, alli huillaita huillashpa can rurana cashcataca pajtachi.

Apocalipsis 3:1

Sardis pueblopi caj tandanacushca crijcunapaj angelmanpish quillcai: “Diospaj canchis Espiritutapish, canchis luzerocunatapish charijca cashnami nin: Ñucaca can imalla rurashcataca yachanimi. Causacujmi nishca cashpapish huañushcami cangui.