Lucas 9:51 - Dios Rimashca Shimicunami

⁵¹ Jesusca jahua pachaman rina punlla chayamucujpimi, Jerusalenmanca mana manchashpa rina tucurca.

Mushuj Testamento Diospaj Shimi

⁵¹ Jesusca, ña jahua pachaman rina punlla chayamucujpimi, shuj yuyai Jerusalenman rina tucurca.

Lucas 9:51 Iomraidhean Croise

2 REYES 2:11

Paicuna chashna parlanacuihuan ricujpimi, nina lunyacuj caballocuna nina lunyacuj carrota aisashca shamushpa, ishqui ricujta ch'icanyachirca. Chaimi Eliasca shuj acapanapi jahua pachaman huichiyarca.

Marcos 16:19

Shinallataj Mandaj Jesús tucuita rimajpica, paitaca jahua pachamanmi aparca. Chaipica, Taita Diospaj alli ladopimi tiyarirca.

Lucas 12:50

Shuj bautismopimi bautizarinaraj cani. ¡Chai pajtangacamaca llaquihuan huañucunimari!

Lucas 13:22

Jesusca Jerusalenman ricushpaca pueblocunapi, uchilla llajtacunapi, yachachihuan yachachihuan ricujpi,

Lucas 17:11

Jesusca Jerusalenman ricushpaca, Samariahuan, Galileahuan chaupitami rirca.

Lucas 18:31

Chai q'uipami Jesusca, chunga ishqui yachacujcunallata pushashpa cashna nirca: –Cunanca Jerusalenmanmi rigrinchij. Chaipica Runa Aichayuj imalla tucuna cashcata profetacuna quillcashcami tucui pajtanga.

Lucas 19:11

Chaita uyajcunaca Jerusalenman Jesús ñalla chayagricujpimi, Taita Diosca cunantajmari ña mandai callarigrin nishpa yuyacurcacuna. Chaipimi Jesusca cai yuyachij parlota cashna nishpa parlarca.

Lucas 19:28

Chai q'uipami, Jesusca Jerusalenman paicunata ñaupashca huichiyarca.

Lucas 24:51

Taita Dios cancunahuan cachun nishpa paicunamanta anchurijpica, jahua pachaman aparcallami.

Lucas 9:57

Paicuna ñanta ricujpica, shuj runami Jesustaca: –Amito, maiman rijpipish canhuanmi risha– nirca.

Juan 13:1

Pascua fiesta callarinapajca ashallami illarca. Jesusca, cai pachamanta Yayapajman rina ña chayamugrishcata yachashpami, cai pachapi caj paipajcunataca, sarunmanpish c'uyaj cashpa, cunanpish ima shina achcata c'uyashcata ricuchisha nirca.

Juan 16:28

Ñuca Yayapajmantami cai pachamanca shamurcani. Cai pachata saquishpa, ñuca Yayapajmanmi cutin tigragrini– nijpimi,

Juan 16:5

Cunanca ñucata cachajpajmanmi rigrini. Shina cajpipish cancunamanta shujllapish: “¿Maimantaj ricungui?” nishpa mana tapunguichijchu.

Juan 17:11

Ñucaca ña mana cai pachapichu cagrini. Paicunaca cai pachapirajmi saquirigrin. Ñucaca quiquinpajmanmi shamugrini. Jucha illaj Yayitu, ima shinami quiquinpish ñucapish shujlla canchij, chashnallataj paicunapish shujlla cachun. Quiquin ñucaman cushcacunataca quiquin tucuita rurai tucuj cashcahuan huaquichihuai.

Juan 6:62

Runa Aichayujtaca ñaupaman pai maipi cashcaman cutin huichiyajta ricushpacarin ¿imatashi ninguichij?

Hechos 1:2

jahua pachaman rina punllacama pai imallata rurashcataca ñami quillcarcani. Paica manaraj jahua pachaman rishpami pai agllashca apostolcunataca jucha illaj Espirituhuan imallata rurana cashcata mandarca.

Hechos 1:9

Tucui caicunata nishca q'uipami, paicuna ricucujpi Jesustaca jahua pachaman apajpi, paita p'uyu chasquishpa pacajpica, ña mana ricui tucurcacuna.

Efesios 1:20

Cristotaca huañushcacunapaj chaupimanta causachishpami, jahua pacha paipaj alli ladoman tiyachishpa, chai poderyuj cashcataca ricuchirca.

Filipenses 3:14

Cristo Jesusta crishpa, jahua pachapi caj japina cashcata japichunmi, ñucataca Diosca cayarca. Chaimantami chayana cashcaman caticuni.

1 Timoteo 3:16

Ñucanchij crishcaca pi mana yachashca, yallitaj jatunmari. Chaitaca mana chashnachu nishpa, pi mana ni tucunchu: Taita Diosca, aichayuj tucushpami ricurishca. Espiritupish cashcata rurajmi nircami. Angelcunaca ricurcacunami. Mana judiocunamanpish paimantaca huillarcacunami. Cai pachapica, crircacunami. Sumaj jahua pachapica chasquishcami carca.

Hebreos 12:2

Crij canata callarichij, alli crijta ruraj Jesusta ricurashpa catishunchijlla. Paica huañushca q'uipaca, cushicuna cashcata yachashpami paita asicujpipish mana pingarishpa chacatashca huañurca. Chaimantaca Dios mandashpa tiyana alli ladopimi tiyarirca.

Hebreos 6:20

Chai ucumanca Jesusmi ñucanchij yaicuna ñanta pascashpa yaicushca. Chashnami Melquisedec cura cashca shinallataj curacunata jatun pushaj huiñaipaj cura tucushca.

1 Pedro 3:22

Paica jahua pachaman huichiyashpami, Diospaj alli ladopi tiyacun. Chaipica paitami angelcuna, mandajcuna, poderyujcunapish cazucuncuna.