Lucas 9:47 - Dios Rimashca Shimicunami

⁴⁷ Paicunapaj shungupi imata yuyacujta yachashpami Jesusca, shuj huahuata japishpa paipaj c'uchupi churashpa,

Mushuj Testamento Diospaj Shimi

⁴⁷ Paicunapaj shungupi imata yuyacushcata yachashpami Jesusca, shuj huahuata japishpa Paipaj ñaupajpi shayachirca.

Lucas 9:47 Iomraidhean Croise

SALMOS 139:2

Ñuca tiyarijtapish, jatarijtapishmi ricucungui. Ñuca imallata yuyacujtaca carumantami yachangui.

SALMOS 139:23

Taita Dioslla, ñucataca alli alli ricuhuailla. Ñuca shungu ima shina cashcata rijsihuailla. Ñuca yuyaicuna ima shina cajta ricuhuayari, rijsihuayari.

JEREMÍAS 17:10

Mandaj Dios ñucami tucuicunapaj shunguta, yuyaita callarishpa ricuni, yachani. Tucuicunamanmi imallata rurashcamantapish, ima shina causashcamantapish chasquina cashcatataj cusha” ninmi.

Mateo 12:15

Jesusca chashna huañuchisha nicujta yachashpami, chaimanta llujshishpa rirca. Achcacuna paita catishpa rijpi, tucuicunata alliyachishpaca,

Mateo 9:4

Jesusca paicuna ima shina yuyacushcata yachashpami: –¿Ima nishpataj cancunapaj shungupica, millaita yuyacunguichij?

Lucas 5:22

Chaita yuyacujta yachashpami, Jesusca: –¿Ima nishpataj cancunapaj shungupica chashna yuyacunguichij?

Juan 16:30

Quiquinca tucuita yachaj cashcamanta pi tapujta mana shuyanguichu. Chaimantami Taita Diospajmanta shamushcata cunantajca crinchij– nircacunami.

Juan 2:25

Chai gentecunapaj shungu ima shina cashcataca pi mana huillajpipish Jesusca yacharcallami.

Juan 21:17

Jesusca caihuanca quimsa cutinmi: –Jonaspaj churi Simón, ¿Ñucataca c'uyanguichu?– nirca. Caihuanca quimsa cutin: “¿Ñucataca c'uyanguichu?” nijpimi Pedroca llaquirishpa: –Mandaj Jesús, quiquinca tucuitami yachangui. Quiquinta ñuca ima shina c'uyaj cashcataca quiquinllataj yachanguimi– nijpi Jesusca: –Ñuca ovejacunata cuidangui.

1 Corintios 14:20

Huauquicuna, yuyanapajca ama huahuacuna shina caichijchu, ashtahuanpish yuyajcuna shina yuyaichij. Ima mana allipajca, huahuacuna shina caichij.

Hebreos 4:13

Imalla rurashcacunapish Diospaj ñaupajpica ima mana pacallachu. Ashtahuanpish tucui imapish paipaj ñahuipica lluchulla, pascashca ricunallami tiyacun. Ñucanchijca paimanmi tucui imalla rurashcataca ricuchishun.

Apocalipsis 2:23

Paipaj huahuacunataca huañuchishami. Chashna rurajpimi ñucataca tucuipi tandanacushca crijcunaca paicunapaj yuyaita, shunguta rijsij cashcata yachangacuna. Cancunamanca ima shina rurashca shinallatajmi cusha.