Lucas 9:44 - Dios Rimashca Shimicunami

⁴⁴ –Cai ñuca huillashcata alli uyaichij. Pajta cungaringuichijman. Runa Aichayujtaca gentecunapaj maquipimi entreganga– nirca.

Mushuj Testamento Diospaj Shimi

⁴⁴ —Ñuca huillashcata alli uyaichij, pajta cungaringuichijman. Runa Aichayuj Ñucataca runacunapaj maquipi churangami— nircami.

Lucas 9:44 Iomraidhean Croise

2 SAMUEL 24:14

Chaimi Davidca, Gad runataca: –Jatun llaquipimari cani. Mandaj Diosca yallitaj c'uyaj cashcamanta paipaj maquipi urmanatami munani. Runacunapaj maquipica mana urmasha ninichu– nirca.

Mateo 16:21

Chashna nishca pachamantami Jesusca, paipaj yachacujcunamanca cashna nishpa huillai callarirca: “Jerusalenmanca rinatajmi cani. Chaipica ancianocunapaj, curacunata mandajcunapaj, mandashcacunata quillcajcunapaj maquipi achca llaquita apashpa huañunami cani. Quimsa punllapica causarishcami cana cani” nircami.

Mateo 26:2

“Pascua fiestapajca, ishqui punllalla illashcataca yachanguichijmi. Chaipimi Runa Aichayujtaca, chacatachun entreganga” nircami.

Marcos 8:31

Chaipimi Jesusca, Runa Aichayujca achca llaquita apanatajmi can nishpa yachachi callarirca. Cunaj yuyajcunapish, curacunata mandajcunapish, mandashcacunata quillcajcunapish paitaca yangallami nishpami huañuchingacuna. Huañuchijpipish quimsa punllapica causaringallami nircami.

Marcos 9:31

Chaipimi paipaj yachacujcunamanca: –Runa Aichayujtaca gentecunapaj maquipi entregajpimi huañuchingacuna. Ashtahuanpish huañushcamanta quimsa punlla q'uipaca causaringallami– nishpami yachachirca.

Lucas 1:66

Tucui chaita uyajcunami: –Chai huahua jatunyashpaca ¿ima shinashi canga?– nishpa, caishuj chaishuj tapunacushpa chaitaca paicunapaj shungupi huaquichircacuna. Jatun Diospaj tucuita rurai tucuj maquica chai huahuahuanmi carca.

Lucas 18:31

Chai q'uipami Jesusca, chunga ishqui yachacujcunallata pushashpa cashna nirca: –Cunanca Jerusalenmanmi rigrinchij. Chaipica Runa Aichayuj imalla tucuna cashcata profetacuna quillcashcami tucui pajtanga.

Lucas 2:19

Ashtahuanpish Mariaca tucui chaicunataca, paipaj shungupi huaquichishpami yuyaricurcalla.

Lucas 2:51

Jesusca Nazaretman paicunahuan tigrashpaca, tucui ima nishcatapish cazushpami causarca. Paipaj mamaca, tucui imalla tucujta ricushpaca paipaj shungupimi huaquichishpa catirca.

Lucas 24:44

Chai q'uipaca Jesusca paicunataca: –Moisés Mandashcapipish, Profetacuna quillcashcapipish, Salmocunapipish ñucamanta tucui imalla tucuna cashcata huillashcacuna pajtachunmi chashna tucurca. Tucui chaicuna chashna tucuna cashcataca cancunahuan cashparajmi huillarcani– nircami.

Lucas 9:22

cashnami nirca: –Runa Aichayujca achca llaquicunata apanatajmi. Cunaj yuyajcuna, curacunata pushajcuna, mandashcacunata quillcajcunapish p'iñashpami huañuchingacuna. Ashtahuanpish quimsa punllapica causachishcami canga– nircami.

Juan 16:31

Chaimi Jesusca: –¿Cunanchu cringuichij?

Juan 16:4

Ña chashna ruracujpica, caicunata ñuca huillashcata yuyarichunmi cunanman huillacuni. Caicunataca sarunmanca cancunahuan cashpami manaraj huillarcani.

Juan 19:11

Chaimi Jesusca: –Canca ñucata imata rurachun jahua pachamanta mana saquijpica, ñucataca imata mana rurai tucunguichu. Chaimanta ñucata canman cujca, canta yalli juchayujmari– nircami.

Hechos 2:23

Chaitaca Taita Diosca pai yachaj cashcahuanmi ima shina canata ñaupaman allichirca. Chaimantami cancunaca paitaca japishpa millai runacunapaj maquipi churashpa, chacatashpa huañuchichircanguichij.

Hebreos 2:1

Chaimanta ñanta chingachij shina ama pandaringapaj ñucanchij imata uyashcataca ashtahuan chai yuyailla catirashunchij.