Lucas 9:43 - Dios Rimashca Shimicunami

⁴³ Taita Diospaj poderca jatun cashcata ricushpaca, tucuicunami achcata mancharircacuna. Tucuicuna pai imalla rurashcata ricushpa mancharinacucujpimi, Jesusca paipaj yachacujcunata cashna nirca:

Mushuj Testamento Diospaj Shimi

⁴³ Taita Dios chashna tucuita rurai tucuj cashcata ricushpaca, tucuicunami mancharircacuna. Jesusca, Pai tucui imalla rurashcacunata ricushpa tucuicuna mancharicujpimi, Paipaj yachacujcunataca cashna nirca:

Lucas 9:43 Iomraidhean Croise

SALMOS 139:14

Quiquintami alabasha. Ñucaca yallitaj mancharinata rurashcami cashcani. Chaimantami alabasha. Tucui chaicunata quiquin rurashcacunaca mancharinamari. Chaitaca ñucaca tucuitami alli yachani.

ZACARÍAS 8:6

Tucuita Mandaj Diosca cashnapishmi nin: “Chai punllacunapica, cai pueblopi causaj saquirijcunapaj ñahuicunapica, jatun mancharinami ricuringa. Ñucapajca ima mancharina mana ricuringachu” ninmi tucuita Mandaj Diosca.

Mateo 17:22

Jesusca paipaj yachacujcunandij, Galileapi cashpami cashna nirca: “Runa Aichayujtaca runacunapaj maquipi churajpi,

Marcos 6:51

Paicuna ricun barcopi Jesús huichiyajpica, huairaca casijlla tucurcallami. Chaimi paicunaca achcata mancharicushpapish cushicurcacuna.

Lucas 18:43

Shina nincami ricuita chasquishpa, Taita Diosta sumajyachishpa Jesusta catirca. Tucui chaipi cajcunapish ricushpaca, Taita Diostami alabarcacuna.

Lucas 4:36

Tucuicuna mancharinacushpami: –Pai quiquinllataj mandaj cashcahuan, poderyuj cashcahuan mandajpica, millai espiritucunaca ¿llujshinllachu imamí?– nishpa caishuj chaishuj ninacurcacuna.

Lucas 5:26

Chaipica tucuicuna mancharinacushpami, Diostaca sumajmari cangui nircacuna. Paicunaca manchaihuan junda cashpami: –Cunanca mancharinacunatamari ricushcanchij– nircacuna.

Lucas 5:9

Chashna achca chalhuacunata japishcamantaca Simonpish, tucui paihuan cajcunapish achcatami mancharircacuna.

Lucas 8:25

Chaimi Jesusca: –¿Ima nishpataj mana cringuichij?– nijpi, paicunaca chujchushpa mancharishpaca, caishuj chaishuj: –Cai runaca ¿pitagari? huairapish, yacupish pai mandajpica cazunllamari– ninacurcacuna.

Lucas 9:42

Shina nijpi huambrata Jesuspajman c'uchuyachigrijpica, supaica chujchuchishpami pambaman urmachirca. Chaimi Jesusca millai espirituta sinchita rimashpa, huambrata alliyachishpa paipaj yayaman curca.

2 Pedro 1:16

Ñucanchijta Mandaj Jesucristo shamuna cashcatapish, paica tucuita rurai tucuj cashcatapish cancunata yachachishpaca, quiquin yuyaimanta surcushca yanga parlocunataca mana yachachircanchijchu. Ashtahuanpish paitaca jatun mandajtaj cashcata, ñucanchij quiquin ñahuihuan ricushcatami huillarcanchij.