Lucas 9:28 - Dios Rimashca Shimicunami

²⁸ Cai shimicunata nishca pusaj punlla q'uipa shinatami Jesusca Pedrota, Juanta, Jacobotapish pushashpa, Taita Diosta mañangapaj urcuman huichiyarca.

Mushuj Testamento Diospaj Shimi

²⁸ Chashna nishca qʼuipa pusaj punlla shinapimi, Jesusca Pedrota, Juanta, Jacobotapish pushashpa, Diosta mañangapaj urcuman huichiyarca.

Lucas 9:28 Iomraidhean Croise

SALMOS 109:4

Ñuca paicunata c'uyashcamantaca, p'iñashpamari cutichincuna. Ashtahuanpish paicunamantaca quiquintamari mañaj carcani.

Mateo 14:23

Chai tucuicunata cayacamachij nishca q'uipaca, Taita Diosta pailla mañangapajmi urcuman huichiyarca. Ña tutayajpipish Jesusca paillami chaipiraj carca.

Mateo 5:1

Jesusca chai tucuicunata ricushpami, urcuman huichiyashpa chaipi tiyarirca. Paipaj yachacujcunapish c'uchuyarcacunami.

Marcos 1:35

Jesusca amsaraj cajpi utca jatarishpa chaimanta llujshishpaca, pi mana causan chulunllaman rishpami, Taita Diosta mañarca.

Marcos 6:46

Cayacamachij nishca q'uipami Jesusca, urcupi Taita Diosta mañanaman rirca.

Lucas 3:21

Juanca paipajman shamujcunataca tucuicunatami bautizarca. Jesustapish bautizajpi Diosta Jesús mañacujpica, jahua pachami pascarirca.

Lucas 5:16

Ashtahuanpish Jesusca paicunamanta caruyashpami pi mana causan chulunllapi Diosta mañagrij carca.

Lucas 6:12

Chai punllacunapimi Jesusca, Diosta mañangapaj urcuman rirca. Chaipica tucui tutami Diosta mañarca.

Lucas 8:51

Jairopaj huasiman ña chayashpaca, pita mana yaicuchishpami, Jesusca Pedrondij, Jacobondij, Juandij chai huahuapaj yaya mamandijlla yaicurcacuna.

Lucas 9:18

Chai q'uipami Jesusca Taita Diosta mañacujpi yachacujcuna paihuan cajpi Jesusca yachacujcunataca cashna tapurca: –Gentecunaca ¿pi cashcatataj ñucataca yuyancuna?– nijpi,

Juan 6:3

Chaipimi Jesusca shuj urcuman huichiyashpa, paipaj yachacujcunandij chaipi tiyarirca.

2 Corintios 13:1

Cunan cai cutinhuanca, ña quimsa cutinmi cancunataca ricuj shamugrini. Ishqui cashpa, quimsa cashpa ricujcunahuanmi imatapish allichina canga.

Hebreos 5:7

Cristoca cai pachapi causacushpaca jatunta caparishpa, huacashpa, rogashpami huañuimanta cacharichij Diosta mañarca. Chashna manchaihuan cazuj cajpimi pai mañashcataca Diosca uyarca.

2 Pedro 1:16

Ñucanchijta Mandaj Jesucristo shamuna cashcatapish, paica tucuita rurai tucuj cashcatapish cancunata yachachishpaca, quiquin yuyaimanta surcushca yanga parlocunataca mana yachachircanchijchu. Ashtahuanpish paitaca jatun mandajtaj cashcata, ñucanchij quiquin ñahuihuan ricushcatami huillarcanchij.