Lucas 9:26 - Dios Rimashca Shimicunami

²⁶ Ñucamanta, ñuca yachachishcacunamantapish maijan pingarijtaca, Runa Aichayuj ñucaca jucha illaj angelcunandij, ñuca Yayapaj achij nicuj sumaj cashcahuan shamushpaca, paimantapish pingarishami.

Mushuj Testamento Diospaj Shimi

²⁶ Maijanca Ñucamantapish, Ñuca shimicunamantapish pingaringami. Chashna rurajmantaca, Runa Aichayuj Ñucapish Ñuca Yaya shinallataj sumaj achij nicuj, jucha illaj angelcunahuan shamushpaca pingarishami.

Lucas 9:26 Iomraidhean Croise

ISAÍAS 53:3

Runacunapurapica yanganchishca, mana nishpa shitashcami carca. Paica llaquita ima shina apanata yachajmi carca. Tucuicunami mana ricunachircanchij. Tucuicunami mana munarcanchij. Tucuicunami mana c'uyarcanchij.

DANIEL 7:10

Paipaj ñaupajmantaca, ninami jatun yacu shina llujshicurca. Paipajtaca huaranga, huarangacunami ruracurca. Paipaj ñaupajpica yallitaj huaranga huarangacunami carca. Juez tiyarijpica, librocunaca pascashcami carca.

Mateo 16:27

Runa Aichayujca, paipaj angelcunandij, paipaj Yayapaj achij nicuj sumaj cashcahuan shamushpaca, cada quiquinmanmi paicuna rurashca shinallataj cunga.

Mateo 25:31

Runa Aichayuj tucuita rurai tucushcahuan mandangapaj shamushpaca, jucha illaj tucui paipaj angelcunandijmi shamunga. Chashna shamushpaca, sumaj achijnicuj tiyarinapimi tiyaringa.

Mateo 26:64

Chaimi Jesusca: –Ari, canllataj ña chashna ninguica. Caitapishmi huillasha nini: Cunanmanta pacha Runa Aichayujtaca, poderyuj Diospaj alli ladopi tiyacujtami ricunguichij. Cutin jahua pachamanta p'uyupi shamucujtapishmi ricunguichij– nircami.

Marcos 8:38

Cunan cai punllacunapi causaj huainayaj millaicunapaj ñaupajpi, ñucamanta, ñuca yachachishcacunamantapish maijan pingarijtaca Runa Aichayuj ñucaca jucha illaj angelcunandij, ñuca Yayapaj achij nicuj sumaj cashcahuan shamushpaca, paimantapish pingarishami– nircami.

Juan 12:43

Paicunaca Taita Dios alli nishca canapaj randica, runacuna alli nishca cangapajmi mana huillashun nircacuna.

Juan 5:44

Caishuj chaishuj alli nishca canallatami cancunaca munanguichij. Shujlla Taita Dios alli nishca canataca mana munanguichijchu. Chashna yuyashpaca ¿ima shinataj ñucataca cri tucunguichigari?

Hechos 10:22

paicunaca: –Ñucanchijca patsaj soldadocunata mandaj Cornelio cachajpimi shamunchij. Paica Taita Diosta manchaj, cashcata rurajmi. Paica judiocuna alli nishcami causan. Paimanmi jucha illaj ángel ricurishpaca: “Pedrota cambaj huasiman pushanaman cachai, pai imalla huillashcata alli uyangui” nishcami– nircacunami.

Romanos 1:16

Ñucaca alli huillaimantaca mana pingarinichu. Alli huillaica tucuita rurai tucuj Diosmanta cashcamantami, puntaca judiocunata, griegocunatapish maijanpish crijpica, tucuicunata quishpichin.

2 Corintios 12:10

Cristota c'uyashcamantaca irquilla cashpapish, c'amishpa rimajpipish, ima illajlla cashpapish, catirashpa llaquichijpipish, ima llaquicunapi cashpapish cushicuihuanmi cani. Chashna irquilla cashcapimi, ashtahuan sinchi tucuni.

Gálatas 6:14

Chaipica ñucaca mana jatunyarinichu. Ashtahuanpish ñucanchijta Mandaj Jesucristopaj cruzpimi jatunyarini. Ñucapajca paimantaca cai pachaca, cruzpimi huañurca. Ñucapish cai pachapajca, huañushcami cani.

1 Timoteo 5:21

Taita Diospaj, Mandaj Jesucristopaj, pai agllashca angelcunapaj ñaupajpimi, c'uyaihuan cantaca mingani. Pita ama llaquichishpa, shujllaman ama tucushpa caicunapi nishca shina rurangui.

2 Timoteo 1:12

Chaimantami llaquita apacuni. Chashna cashpapish, pita crishcataca yachanimi. Chaimanta ñucaca mana pingarinichu. Paica huaquichingapaj poderyuj cashcamantaca ñuca mingashcataca shamuj punllacama huaquichinataj cashcatami yachani.

2 Timoteo 2:12

Llaquicunatapish apashpaca, paihuanmi mandashun. Paita mana rijsinchijchu nijpica, paipish ñucanchijtaca mana rijsinichu ningami.

Hebreos 11:26

Cristomanta mana alli nishpa rimashca canaca, Egiptopi achcata charij canatapish ashtahuan yalli alli cajpimi, chaitaca agllarca. Dios paiman cuna cashcataca ña ricuracuj shina cashpami, chaitaca agllarca.

Hebreos 13:13

Ñucanchijpish pueblomanta llujshishpa Jesuspajman jacuchij. Mana alli nishpa rimashcata pai apashca shinallataj apashunchijlla.

Judas 1:14

Ñaupa yaya Adanmanta yaya Enoccamaca canchis yayacunami cashca. Enocmi Dios huillachijpi chai shina gentecunamantaca cashna nishca: “Jatun Diosca jucha illaj huaranga huaranga paipaj angelcunandij shamushpami,

Apocalipsis 1:7

Uyaichij, Cristoca p'uyupimi shamucun. Paitaca tucuicunami ricungacuna. Paita lanzahuan tujsijcunapish ricungacunami. Paita ricushpaca, cai pachapi tucui causajcunami jatunta huacangacuna. Ari, chashnatajmi canga.

Apocalipsis 20:11

Chaimantaca yurajlla jatun tiyarinatapish chai jahuapi tiyacujtapishmi ricurcani. Paipaj ñaupajmantaca allpa pachapish cielopish tucuimi chingarirca. Cutinca ña manataj ricurircachu.

Apocalipsis 21:8

Shina cajpipish manchajcunaca, mana crijcunaca, millashcacunaca, huañuchijcunaca, apanacushpalla causajcunaca, brujocunaca, rurashcalla dioscunata adorajcunaca, tucui llullajcunapish paicuna japina cashcataca azufrehuan rupacuj nina cuchatami japingacuna. Chaica q'uipa huañuimi” nircami.

Apocalipsis 3:5

Tucuita mishajca, yuraj churanata churachishcami canga. Paipaj shutitapish huiñaita causanapaj libromantaca mana p'ichashachu. Ñuca Yayapaj ñaupajpi, paipaj angelcunapaj ñaupajpimi paicunaca ñucapajmi nishpa huillasha.