Lucas 9:25 - Dios Rimashca Shimicunami

²⁵ Tucui cai pachapi tiyajcunata charishpapish, paipaj almata huiñaipaj chingachishpaca ¿ima allitaj cangari?

Mushuj Testamento Diospaj Shimi

²⁵ Pipish cai pachapi tucui imalla tiyajta charijyashpapish, quinllataj chingarishpa, llaqui tucushpaca, ¿ima allitaj cangari?

Lucas 9:25 Iomraidhean Croise

Mateo 13:48

Linchipi ña junda cajpica, cucha uriman llujshichishpa tiyarishpami allicunataca canastapi churan, mana allicunataca shitancuna.

Mateo 13:50

Millaicunataca nina rupacun hornopimi shitanga. Chaipica jatunta huacana, quirucuna canirinami canga– nircami.

Mateo 16:26

Runaca cai pachapi tucui tiyajcunata japishpapish, paipaj almata chingachishpaca ¿ima allitaj cangari? Paipaj almata quishpichingapajca ¿imatashi cunga?

Marcos 8:36

Runaca cai pachapi tucui tiyajcunata japishpapish, paipaj almata chingachishpaca ¿ima allitaj cangari?

Hechos 1:18

Judas millaita rurashpa japishca cullquihuanca, allpatami randirca. Judasca jahuamanta urisingaman urmashpami, huijsa tugyajpi chunllullicunapish tallirirca.

Hechos 1:25

Paica can imalla rurai nishcata ñucanchijhuan rurachun, apóstol canatapish japichun. Judasca millaita rurashpa urmashcamantami pai maiman rina cashcaman rin” nircacunami.

1 Corintios 9:27

Ashtahuanpish ñuca cuerpotaca huajtashpatajmi cazuchini. Caishujcunaman huillacushca jahua, ñucallataj ama anchuchishca cangapajmi chashna rurani.

Hebreos 10:34

Cancunaca prezu cajcunatapish, llaquijcunami carcanguichij. Cancunapaj imalla charishcacunata quichujpipish, jahua pachapi mana tucurij charinacunata charishcamantaca cushicurcanguichijmi.