Lucas 9:23 - Dios Rimashca Shimicunami

²³ Tucui chaipi cajcunataca cashnami nirca: –Maijanpish ñucata catisha nijca, chacatashpa huañuchina cajpipish, quiquin causaita mana llaquishpa punllanta ñucata catichunlla.

Mushuj Testamento Diospaj Shimi

²³ Jesusca, tucuicunata cashnapishmi nirca: —Pipish Ñucata catisha nijca, quiquinpaj causanata cungashpa, cruzta aparishpa Ñucata catichunlla.

Lucas 9:23 Iomraidhean Croise

Romanos 8:13

Aicha munaita rurashpa causacushpaca, huañunguichijmi. Ashtahuanpish Espirituhuan aichapaj ruraicunata huañuchishpaca, causanguichijmi.

Colosenses 3:5

Chaimanta cancunapi tiyaj cai pachapaj yuyaicunataca: Apanacushpa causanata, mapa causaita, mana alli ruraicunata, millai munaicunata, quiquinpajlla ashtahuan charij canatapish huañuchichij. Chaicunaca rurashcalla Diosta adorashca shinallatajmi.

2 Timoteo 3:12

Cristo Jesushuan shujlla tucushpa pai yuyailla causasha nijcunaca tucuicunallatajmi catirashpa llaquichishca canga.

Tito 2:12

Paimi ñucanchijtaca Diospaj tucushpa, cai pacha millai munaicunatapish saquishpa, cai causaipica alli yuyaihuan cashcata rurashpa, Diospajlla causachun yachachin.

Hebreos 13:13

Ñucanchijpish pueblomanta llujshishpa Jesuspajman jacuchij. Mana alli nishpa rimashcata pai apashca shinallataj apashunchijlla.