Lucas 9:22 - Dios Rimashca Shimicunami

²² cashnami nirca: –Runa Aichayujca achca llaquicunata apanatajmi. Cunaj yuyajcuna, curacunata pushajcuna, mandashcacunata quillcajcunapish p'iñashpami huañuchingacuna. Ashtahuanpish quimsa punllapica causachishcami canga– nircami.

Mushuj Testamento Diospaj Shimi

²² Runa Aichayuj Ñucaca achca llaquicunata apanatajmi cani. Cunaj yuyajcunapish, pushaj curacunapish, Mandashcata yachachijcunapish pʼiñashpa huañuchingacunami. Huañuchijpipish quimsa punllapica causarishami— nircami.

Lucas 9:22 Iomraidhean Croise

GÉNESIS 3:15

Cunanca canhuan, huarmihuanca p'iñanacuipimi churani. Cambaj huahua huahuacunahuanpish, huarmipaj huahua huahuacunahuanpish p'iñanacuipimi churani. Huarmipaj huahua huahuapurami cantaca umapi sarunga. Canca chaqui talonllapimi chugrichingui– nirca.

DANIEL 9:26

Sujta chunga ishqui semanacuna q'uipaca, Mesiaspaj causaitami quichunga. Paicuna quiquinllamantatajca mana huañuchingacunachu. Shamunapaj caj mandajpaj gentecunami Jerusalentapish, Diospaj huasitapish tucui urmachinga. Chaipica ima mana saquiringachu. Yacu jundai shina cungaimanta shamushpami chai macanacuica tucuringacama catinga.

ZACARÍAS 13:7

Tucuita Mandaj Diosca cashnapishmi nin: “Espadalla, ovejacunata michijtapish, ñucahuan alli apanacujtapish manchachiyari. Can chai michijta chugrichijpica, ovejacunaca caita chaitami ringacuna. Bachujcunataca ñuca maquihuanmi llaquichisha” ninmi.

Mateo 17:12

Ashtahuanpish cancunamanca cashnami nini: Eliasca ñami shamurca. Ashtahuanpish paitaca mana rijsishpami, paicuna munashcata rurarcacuna. Runa Aichayujpish paicunapaj maquipi llaquita apangatajmi– nircami.

Mateo 17:22

Jesusca paipaj yachacujcunandij, Galileapi cashpami cashna nirca: “Runa Aichayujtaca runacunapaj maquipi churajpi,

Mateo 27:63

cashnami nircacuna: –Mandaj, chai llulla runa causacushpaca: “Quimsa punllacuna q'uipaca causarishallami” nishcatami yuyarinchij.

Marcos 8:31

Chaipimi Jesusca, Runa Aichayujca achca llaquita apanatajmi can nishpa yachachi callarirca. Cunaj yuyajcunapish, curacunata mandajcunapish, mandashcacunata quillcajcunapish paitaca yangallami nishpami huañuchingacuna. Huañuchijpipish quimsa punllapica causaringallami nircami.

Marcos 9:31

Chaipimi paipaj yachacujcunamanca: –Runa Aichayujtaca gentecunapaj maquipi entregajpimi huañuchingacuna. Ashtahuanpish huañushcamanta quimsa punlla q'uipaca causaringallami– nishpami yachachirca.

Lucas 17:25

Chaipajca paica achca llaquicunata puntaca apangarajmi. Cai punllapi causajcuna p'iñashcarajmi canga.

Lucas 24:26

Cristoca sumaj llajtaman yaicushpa mandaj cangapajca ¿manachari llaquicunataraj apana nin?– nishpaca,

Lucas 24:44

Chai q'uipaca Jesusca paicunataca: –Moisés Mandashcapipish, Profetacuna quillcashcapipish, Salmocunapipish ñucamanta tucui imalla tucuna cashcata huillashcacuna pajtachunmi chashna tucurca. Tucui chaicuna chashna tucuna cashcataca cancunahuan cashparajmi huillarcani– nircami.

Lucas 24:7

Chaipica paica: “Runa Aichayujca, chacatashpa huañuchichun juchayuj runacunaman entregashcatajmi canga. Ashtahuanpish quimsa punllapica causaringallami”– nircami.

Lucas 9:44

–Cai ñuca huillashcata alli uyaichij. Pajta cungaringuichijman. Runa Aichayujtaca gentecunapaj maquipimi entreganga– nirca.

1 Corintios 15:4

Quillcachishcacunapi nishca shinallatajmi pambashca carca, quimsa punllapica causarircami.

1 Pedro 1:11

Cristo ima shina llaquita apanata, pai llaquita apashca q'uipa jatunyachishca canatapish paicunapi caj Cristopaj Espiritumi ñaupaman manaraj chashna tucujpi, profetacunamanca yachana yuyaita cushca. Chashna yachana yuyaita cujpimi ¿pitaj chai Cristoca canga? ¿ima punllataj chashnaca tucunga? nishpa yuyacushcallacuna.