Lucas 9:18 - Dios Rimashca Shimicunami

¹⁸ Chai q'uipami Jesusca Taita Diosta mañacujpi yachacujcuna paihuan cajpi Jesusca yachacujcunataca cashna tapurca: –Gentecunaca ¿pi cashcatataj ñucataca yuyancuna?– nijpi,

Mushuj Testamento Diospaj Shimi

¹⁸ Chai qʼuipami Jesusca, Pailla Diosta mañacurca. Chai punllami Paipaj yachacujcunapish Paihuan chaipi cajpi, Jesusca: —Shujtajcunaca Ñucataca, ¿pi cashcatataj yuyancuna?— nishpa tapurca.

Lucas 9:18 Iomraidhean Croise

Mateo 14:23

Chai tucuicunata cayacamachij nishca q'uipaca, Taita Diosta pailla mañangapajmi urcuman huichiyarca. Ña tutayajpipish Jesusca paillami chaipiraj carca.

Mateo 26:36

Chai q'uipami Jesusca paipaj yachacujcunandij, Getsemaní shuti huertaman chayashpaca: –Chainijllapi Diosta ñuca mañangacama, cancunaca caillapi tiyacuichij– nircami.

Lucas 11:1

Chai q'uipami Jesusca Diosta mañacurca. Pai ña tucuchijpica paipaj yachacujcunamanta shujca: –Mandaj Jesús, ñucanchijtapish Taita Diosta mañanata yachachi. Bautizaj Juanpish paipaj yachacujcunataca Taita Diosta mañanata yachachircami– nirca.

Lucas 3:21

Juanca paipajman shamujcunataca tucuicunatami bautizarca. Jesustapish bautizajpi Diosta Jesús mañacujpica, jahua pachami pascarirca.

Lucas 6:12

Chai punllacunapimi Jesusca, Diosta mañangapaj urcuman rirca. Chaipica tucui tutami Diosta mañarca.

Lucas 9:19

paicunaca: –Shujcunaca, Bautizaj Juanmi. Caishujcunaca, Eliasmi. Maijancunaca ñaupa profetacunapuramanta maijantajshimi causarishca nincunami– nircacuna.

Lucas 9:28

Cai shimicunata nishca pusaj punlla q'uipa shinatami Jesusca Pedrota, Juanta, Jacobotapish pushashpa, Taita Diosta mañangapaj urcuman huichiyarca.

Lucas 9:29

Jesús mañacushpaca ñahuipish shujtajyarishpa, churanapish lamyacuj yurajllami tucurca.