Lucas 9:11 - Dios Rimashca Shimicunami

¹¹ Chaita gentecuna yachashpa paita catishpa rijpimi Jesusca, Taita Diosca ñami mandagrin nishpa huillarca. Alliyaiman yuyacujcunatapish alliyachircami.

Mushuj Testamento Diospaj Shimi

¹¹ Paicuna chaiman rishcata gentecuna yachashpaca, chaimanmi catishpa rircacuna. Catishpa chayajcunata chasquishpami, Taita Dios mandacunmanta paicunaman huillarca. Ungushcacuna chayajpipish, alliyachircami.

Lucas 9:11 Iomraidhean Croise

ISAÍAS 61:1

Mandaj Jatun Diospaj Espiritumari ñuca jahuapi. Mandaj Diosmari ñucataca aceitehuan churarca. Ñucatamari alli huillaita huajchacunaman huillachun cacharca. Shungu p'aquicunata alliyachichun, prezu apashcacunaman ña llujshina tiyashcata huillachunmi cacharca. Prezucunata cacharichichunmi cacharca.

Mateo 12:15

Jesusca chashna huañuchisha nicujta yachashpami, chaimanta llujshishpa rirca. Achcacuna paita catishpa rijpi, tucuicunata alliyachishpaca,

Mateo 14:14

Barcomanta Jesús llujshishpaca, achcacuna chaipi cajta ricushpami, paicunata llaquishpa ungushca cajcunataca alliyachirca.

Mateo 21:31

Chai ishquimantaca ¿maijantaj paipaj yaya munashcata rurarca?– nijpi, paicunaca: –Punta churiyari– nircacunami. Chaimi Jesusca: –Impuestota japijcuna, huainayashpa causajcunarajmi, jahua pachamanta Dios mandacujpica paicunaraj punta yaicungacuna. Chaica chashnatajmi canga.

Mateo 21:43

Chaimanta cashnami nini: Dios mandacunpi cancuna cana cashcata quichushpami, paipaj granota p'ucujcunaman cunga.

Lucas 1:53

Yaricaihuan cajcunamanca, charinacunatami yallijta cushca. Charijcunataca chushajllatami cachashca.

Lucas 5:31

Chaimi Jesusca: –Mana ungushcacunaca jambijtaca mana mashcanchu, ungushcacunallami mashcancuna.

Lucas 8:1

Chai q'uipami Jesusca tucui pueblocunapi, muyundij llajtacunapipish, Dios mandagrin alli huillaita huillashpa purirca. Chunga ishqui yachacujcunapish,

Lucas 8:10

Jesusca cashna nirca: –Taita Dios mandagrin pi mana yachashca pacalla cajtaca, paillatajmari cancunamanca yachachishca. Ashtahuanpish shujtajcunamanca yuyachij parlocunallahuanmi imatapish yachachicuni. Paicunaca ricushpapish mana ricushca shinami tucun. Uyashpapish mana uyashca shinallatajmi tucun.

Lucas 9:10

Apostolcunaca huillachun Jesús cachashcamanta tigrashpaca, tucui imalla rurashcatami paiman parlarcacuna. Chai q'uipami paicunata pushashpa, Betsaida pueblo c'uchulla pi mana causanman Jesusca rirca.

Lucas 9:12

Ashtahuanpish ña chishiyamujpica, chunga ishqui yachacujcuna c'uchuyashpaca: –Cai muyundij uchilla llajtacunapi, huasicunapi micunata, samarinata mashcagrichuncuna, caipi cajcunataca cayacama niyari. Caipica, pi mana causanpimi canchij– nircacunami.

Lucas 9:2

Dios ña mandagricushcata huillashpa, ungushcacunata alliyachichunmi cacharca.

Juan 4:34

Chaipimi paicunataca Jesusca: –Ñuca micunaca ñucata cachaj Yayapaj munaita rurana, pai rurai nishcata pajtachinami.

Juan 6:37

Ñuca Yaya agllashcacunallami ñucapajmanca shamunga. Ñucapajman shamujtaca mana tigrachishpa cachashachu.

Hechos 28:31

Chaipica Dios mandacujpi ima shina canata, Mandaj Jesucristomantapish mana manchashpa, pi mana jarcashcami yachachishpa causarca.

Romanos 10:14

Paita manaraj crij cashpaca ¿ima shinataj paitaca mañangacunari? Manaraj paimanta uyashpaca ¿ima shinataj cringacunari? Pi manaraj huillajpica ¿ima shinataj uyangacunari?

Romanos 10:17

Chashna cajpica crinaca huillashcata uyashcamantami shamun, chai uyashcaca Diospaj Shimimanta huillashcami.

Romanos 15:3

Cristopish paipaj allipajllaca mana rurarcachu. Ashtahuanpish cashnami quillcashca tiyacun: “Canta c'amijcuna c'amishcacunaca, ñucatami llaquichirca” nishca shinami tucurca.

2 Timoteo 4:2

Diospaj Shimitaca huillana horaspipish mana huillana horaspipish huillacuilla. Ima shina cashcatataj rimacuilla, sinchita cunacuilla, yuyachishpa rimaicuilla, ama p'iñarishpa yachachicuilla.

Hebreos 4:16

Ima llaquipi cajpi llaquishpa, mana c'uyaipajta c'uyaihuan ayudashca cangapajca, mana c'uyaipajta c'uyaj Dios tiyacunman mana manchashpa c'uchuyashunchij.