Lucas 8:9 - Dios Rimashca Shimicunami

⁹ Chaimi Jesuspaj yachacujcunaca: –Cai yuyachij parloca ¿imatataj nisha nin?– nishpa tapujpi,

Mushuj Testamento Diospaj Shimi

⁹ Chashna niipica, Jesuspaj yachacujcunami: —Yuyachij cai parloca, ¿imatataj nisha nin?— nishpa tapurcacuna.

Lucas 8:9 Iomraidhean Croise

OSEAS 6:3

Mandaj Diosta rijsishunchij. Paitaca rijsingacamataj fuerzarishpa mashcashunchij. Paica pacaripi mana uniyashpa inti llujshij shinami shamunga. Punta tamya, q'uipa tamya allpaman shamuj shinami ñucanchijpajmanca shamunga.

Mateo 13:10

Ña parlashca q'uipami, yachacujcuna paipajman c'uchuyamushpaca: –¿Ima nishpataj canta uyajcunamanca yuyachij parlocunallahuan rimanguiyari?– nircacuna.

Mateo 13:18

“Uyaichij, tarpujmanta yuyachij parlota ñuca parlashcaca cashnami:

Mateo 13:36

Chaipi tucui cajcunata minchacamachij nishca q'uipami, Jesusca huasiman yaicurca. Chaipimi paipaj yachacujcuna paipajman c'uchuyashpaca: –Chagrapi cizaña huiñashcamanta yuyachij parlo imata nisha nishcata huillahuai– nircacuna.

Mateo 15:15

Chaimi Pedroca: –Cai yuyachij parlotaca, alli entendichipayari– nirca.

Marcos 4:10

Chunga ishqui yachacujcunahuan tandalla cajcunaca, Jesús pailla saquirijpimi, yuyachij parlocuna imata nisha nishcata tapurcacuna.

Marcos 4:34

Yuyachij parlocuna illajllaca mana parlarcachu. Chai parlocuna imata nisha nishcataca paipaj yachacujcunallamanmi alli huillarca.

Juan 15:15

Cancunataca ña mana ñucapajta rurajcunami canguichij nishachu. Amopajta rurajca, paipaj amo imallata ruracujtaca mana yachanchu. Cancunamanca ñuca Yaya imallata ruracujtaca tucuitami yachachircani. Chaimanta cancunaca ñucahuan alli apanacujcunami canguichij.