Lucas 8:6 - Dios Rimashca Shimicunami

⁶ Asha muyuca rumipimi urmarca. Huiñashca q'uipaca nuyu illashcamanta chaquirircallami.

Mushuj Testamento Diospaj Shimi

⁶ Cutin maijan muyuca, rumilla allpapi urmashpami, utca huiñarca. Utca huiñashpapish, nuyushca allpa illajpi chaquirircallami.

Lucas 8:6 Iomraidhean Croise

JEREMÍAS 5:3

Mandaj Dioslla, canca mana llullaj cachunmari munangui. Paicunaca macajpipish, mana nanachincunaca. Imata jarcashpa llaquichichunpish, manataj munancunaca. Rumita yalli sinchi shungucunamari tucuncuna. Manataj cambajman tigrarishun nincunachu.

EZEQUIEL 11:19

Paicunamanca mushuj yuyaita, mushuj shungutami cusha. Rumi shunguta anchuchishpami, mushuj shunguta churasha.

EZEQUIEL 36:26

Cancunapica mushuj shunguta, mushuj yuyaitami churasha. Cancunamantaca rumi shunguta anchuchishpami, aicha shunguta churasha.

AMÓS 6:12

¿Caballocunaca peña quinricunata callpai tucungari? ¿Shinallataj yunta huagrahuanpish peña quinripi yapui tucungachari? ¿Ima nishpataj cancunaca cashcata ruranapaj randica, huañuchij venenota ubyachircanguichij? ¿Ima nishpataj cashcata rurashpa ricuchinapaj randica, jayaj ajenjo shina cashcata ricuchircanguichigari?

Lucas 8:13

Rumi shinaca huillashca Shimita uyashcahuan cushicushpa chasquijcunami. Shina cashpapish sapi mana ucujta cashcamanta paicuna crishcataca ashacamallami catin. Crij cashcamanta llaquicuna shamujpica saquirinllacunami.

Lucas 8:5

“Tarpuj runa muyuta tarpunaman llujshishpa muyuta shitacujpica, asha muyuca ñanpi urmajpi sarurcacunami, pajarocunapish shamushpa micurcacunami.

Lucas 8:7

Asha muyuca casha chaupipimi urmarca. Cashacunandij huiñashpa cashacuna llapijpimi mana granorca.

Hebreos 3:15

Quillcachishcapica: “Dios rimashcata cunan uyashpaca, paita p'iñachijcuna shina cancunapaj shungucunataca ama sinchiyachichijchu” ninmi.