Lucas 8:52 - Dios Rimashca Shimicunami

⁵² Tucuicunami paimantaca, achcata llaquirishpa huacacurcacuna. Chaimi Jesusca: –Ama huacaichijchu, huambraca mana huañushcachu, ashtahuanpish dormicunllami– nirca.

Mushuj Testamento Diospaj Shimi

⁵² Tucuicuna chai huambramanta anchata llaquirishpa, caparirishpa huacacujpimi Jesusca: —Ama huacaichijchu. Huambraca mana huañushcachu, dormicunllamari— nirca.

Lucas 8:52 Iomraidhean Croise

GÉNESIS 23:2

Saraca Canaán llajtapi caj Hebrón nishca Quiriat-arba pueblopimi huañurca. Chaimi Abrahamca Sara huañujpi llaquijlla tucushpa huacangapaj shamurca.

2 SAMUEL 18:33

Chashna nishcata uyashpami, jatun mandajca musparijta llaquirishpa puebloman yaicuna pungu jahuapi caj huasi ucuman huichiyashpa, achcata huacarca. Pai ña huichiyacushpaca: “Ñuca huahua Absalonlla, ñuca huahualla ñuca huahua Absalonlla, cambaj randica ñucata huañuchishca cashparajchari alli canman carca. Ñuca huahua Absalonlla, ñuca huahua Absalonlla” nishpami huacarca.

ÉXODO 24:17

Mandaj Dios sumaj jatun cashcaca israelcunapaj ñahuipica imatapish rupachishpa tucuchij jatun nina shinami urcu puntapi ricurirca.

ZACARÍAS 12:10

Chaimantaca Davidpaj huahua huahuacunamanpish, Jerusalenpi causajcunamanpish tucui shunguhuan mañana yuyaitami cusha. Ñucataca, paicuna pasajta tujsichijcunallatajmi ricungacuna. Chaimantaca manchanayajta llaquirishpa, shujlla churi huañushcamanta huacacuj shinami huacangacuna. Paicunaca punta churimanta manchanayajta llaquirij shinami llaquiringacuna.

Mateo 11:17

“Flautapi tocajpipish, mana bailarcanguichijchu. Huañuipi cantanata tocajpipish, mana huacarcanguichijchu” nicuj shinamari canguichij.

Lucas 23:27

Achcacunami Jesustaca catishpa ricurcacuna. Chaicunapurapica, tauca huarmicunami Jesusmanta achcata llaquirishpa huacashpa caticurcacuna.

Lucas 23:48

Tucui chaipi cajcunapish imalla tucujta ricushpaca paicunapaj shungupi huajtarishpami tigramurcacuna.

Lucas 8:51

Jairopaj huasiman ña chayashpaca, pita mana yaicuchishpami, Jesusca Pedrondij, Jacobondij, Juandij chai huahuapaj yaya mamandijlla yaicurcacuna.

Lucas 8:53

Chaipica chai huambra huañushcataj cashcata yachashcamantami asircacuna.

Juan 11:4

Chaita Jesús uyashpaca: –Chai ungüica mana huañunapajchu. Ashtahuanpish Taita Dios tucuita rurai tucuj cashcata ricuchinapajmi. Taita Diospaj Churipish chai ungüimantami jatunyachishca canga– nircami.