Lucas 8:48 - Dios Rimashca Shimicunami

⁴⁸ Chaimi Jesusca: –Huahua canca crishcamantami alliyachishca cangui. Sumajta causagrilla– nirca.

Mushuj Testamento Diospaj Shimi

⁴⁸ Chaita huillajpimi, Jesusca: —Huahua, canca crishcamantami alliyashcangui, cunanca ama manchashpa rilla— nirca.

Lucas 8:48 Iomraidhean Croise

2 REYES 5:19

Shina nijpimi Eliseoca: –Ama manchashpa rilla– nijpi Naamanca chaimanta rishpaca ña caruta rirca.

ÉXODO 4:18

Chai q'uipaca Moisesca paipaj suegro Jetropajman tigrashpami: –Cunanca ñuca huauquicuna causacushcata mana causacushcata ricungapajmi Egiptoman tigragrini– nijpimi, Jetroca Moisestaca: –Alli ripangui– nirca.

Mateo 12:20

P'aquirinalla carrizotapish, mana p'aquingachu. Huañunalla cushnicuj mechatapish, pai tucuita mishashpa mandana punllacama mana huañuchingachu.

Mateo 8:13

Chashna nishpaca Jesusca patsaj soldadocunata mandajtaca: –Rilla, can crishca shinallataj rurashca cachun– nincami, huambraca alliyashca carca.

Mateo 9:2

Chaipi pai cajpica, mana cuyurij runatami, huandunapi huandushpa apamurcacuna. Jesusca paicuna crishcata ricushpami, mana cuyurij runataca: –Huahua, ama manchaichu cambaj juchacunaca perdonashcami– nirca.

Mateo 9:22

Jesús chai huarmita tigrarishpa ricushpaca: –Huahua, ama manchaichu canca alliyachinata crishcamantami alliyashcangui– nirca. Jesús chashna ninca alliyarcallami.

Marcos 5:34

Chaimi Jesusca: –Huahua, canca crishcamantami alliyachishca cangui. Sumajta causagrilla, cunanca alliyashcami saquiringui– nirca.

Lucas 17:19

Chaimi Jesusca chai runataca: –Canca crishcamantami alliyashcangui. Jatari, rilla– nirca.

Lucas 18:42

Chaimi Jesusca: –Ña ricuilla, can crishcamantami alliyashcangui– nirca.

Lucas 7:50

Ashtahuanpish Jesusca chai huarmitaca: –Canca crishcamantami quishpichishca cangui, sumajta causagrilla– nirca.

Lucas 8:47

Chai huarmica pacalla alliyashpalla mana saquiri tucushpami shamushcahuan Jesuspaj ñaupajpi manchaihuan chujchushpa cungurishpa, imapaj tuparishcata, chai churanapi tuparinca alliyashcatapish chai tucuicunapaj ñaupajpi huillarca.

Hechos 14:9

Paica, Pablo huillashcatami uyaracurca. Pabloca, paipaj ñahuita ricushpaca, alliyachishca cana cashcata cricujta ricushpami,

2 Corintios 6:18

Ñucaca, cancunapaj Yayami casha. Cancunaca ñuca churicuna, ushushicunami canguichij” ninmi Tucuita Rurai Tucuj Jatun Diosca.

Hebreos 4:2

Alli huillaitaca paicunaman shinallatajmi ñucanchijmanpish huillarca. Uyashpapish mana crishcamantami, chai uyashca shimica paicunapajca yangalla tucurca.

1 SAMUEL 1:17

Chaimi Elica: –Can imata mañashcataca israelcunapaj Taita Dios cushca cachun. Cushicushpa rilla– nirca.