Lucas 8:47 - Dios Rimashca Shimicunami

⁴⁷ Chai huarmica pacalla alliyashpalla mana saquiri tucushpami shamushcahuan Jesuspaj ñaupajpi manchaihuan chujchushpa cungurishpa, imapaj tuparishcata, chai churanapi tuparinca alliyashcatapish chai tucuicunapaj ñaupajpi huillarca.

Mushuj Testamento Diospaj Shimi

⁴⁷ Chai huarmica, alliyashpa upalla saquirinallatami yuyarca. Chashna yuyashca cashpapish Jesusllataj huillajpimi, shamushcahuan Jesuspaj ñaupajpi chujchushpa pambacama cumurirca. Chai qʼuipami, imamanta Paipaj churanapi tuparishcatapish, tuparishcahuan alliyashcatapish tucuicunapaj ñaupajpi, callarishpa huillarca.

Lucas 8:47 Iomraidhean Croise

SALMOS 2:11

Mandaj Diospajtaca manchaihuan ruraichigari. Chujchushpa cushicuichigari.

SALMOS 38:9

Jatun Dioslla, tucui ñuca ima yuyashcacunaca tucuimi quiquinpaj ñaupajpi. Ñuca shungu llujshishcapish quiquinpica mana pacallachu.

SALMOS 66:16

¡Taita Diosta manchajcuna tucuicuna shamuichij, uyaichij. Ñuca causaipi Taita Dios imallata rurashcatami parlasha!

ISAÍAS 66:2

Tucui caicunataca ñuca maquimi rurarca. Chaimantami tucui tiyai callarirca ninmi Mandaj Diosca. “Shina cajpipish ñucaca huajchacunapi, mana jatun tucushcacunapi, ñuca mandashcata manchaihuan cazujcunapimi ñuca ñahuita churani.

OSEAS 13:1

Efraín rimajpica, jatun manchaimi tiyarca. Paica Israelpica alli nishcami carca. Ashtahuanpish Baalta adorashpa juchallishpami huañurca.

OSEAS 5:3

Efraín ñucaca can ima shina cashcataca rijsinimi. Israel can ima shina cashcatapish rijsinimi. Efraín, canca huainayashcanguimi. Chaimi Israelca mapayashca.

HABACUC 3:16

Ñucaca, chai tucuitami uyarcani. Chaita uyashpaca, ñuca aichapi imalla tiyajcunapish zaillami mancharirca. Rimagrishpapish ñuca shimi jitacunaca chujchurcami. Ñuca tullucunapish ismucuj shinami carca. Ñuca yuyaipica, ña tucuricuj shinami tucurcani. Chashna cashpapish, llaquichij runa paipaj soldadocunahuan huaicashpa cai llajtaman yaicumujpipish, ñucaca chai llaqui punllapica mana imata manchashachu.

Mateo 28:8

Chai huarmicunaca, jutcumanta llujshishpaca manchaihuan cashpapish, achcata cushicushpami, paipaj yachacujcunaman huillangapaj callpashpa rircacuna.

Marcos 5:33

Chai huarmica paipi imalla tucushcata yachashcamanta, manchaihuan chujchushpa Jesuspajman shamushpami paipaj ñaupajpi cungurishpa cumurishpaca, ima shina tucushcata tucuita huillarca.

Lucas 8:46

Chaimi Jesusca: –Alliyachina poder ñucamanta llujshijpimi, maijantajshi ñucapi tuparishcata yachani– nirca.

Lucas 8:48

Chaimi Jesusca: –Huahua canca crishcamantami alliyachishca cangui. Sumajta causagrilla– nirca.

Hechos 16:29

Chaita uyashpami, carcelta cuidajca ninata mañashpa ucu c'uchuman yaicujta rishpa, manchaihuan chujchucuj Pablopaj Silaspaj chaquiman tupajta cumurirca.

1 Corintios 2:3

Cancunapurapi cashpaca irqui shina, achca manchaihuan chujchucujmi carcani.

2 Corintios 7:15

Tucui cancuna pai nishcata cazushpa, manchaihuan, chujchuihuan chasquishcata yuyarishpami, cancunataca ashtahuan c'uyacun.

Filipenses 2:12

Chaimanta ñuca c'uyashcacunalla, cazucujlla cashca shinallataj cazucuichijlla. Ama ñuca chaipi cajllapi cazujcuna caichijchu. Ashtahuanpish cunancarin ñuca mana chaipi cajpica, ashtahuan alli cazujcuna caichij. Cancunaca quishpichishca cashcamanta manchaihuan, chujchuihuan causaichij.

Hebreos 12:28

Chashna cajpica Dios maipi Mandacun mana cuyuchipajta ñucanchij japishcamantaca, pagui nishunchij. Pai munashca shina manchaihuan tucui shunguhuan servishunchij.

1 SAMUEL 16:4

Samuelca Mandaj Dios nishca shinallatajmi rurarca. Belenman pai ña chayajpica, chai pueblopaj cunaj yuyajcuna manchaihuan tupanaman llujshishpaca: –¿Cushichingapajchu shamungui?– nishpa tapujpimi,