Lucas 8:43 - Dios Rimashca Shimicunami

⁴³ Chaicunapurapica, chunga ishqui huatata yahuar cachariricuj llaquita apacuj shuj huarmipishmi carca. Paica jambij doctorcunapajman rishpapish manataj alliyashpami tucui charishcacunallata tucuchirca. Paitaca, pi mana alliyachi tucurcachu.

Mushuj Testamento Diospaj Shimi

⁴³ Chaicunapurapica, chunga ishqui huatata yahuar cachariricuj ungushca huarmipishmi caticurca. Paica jambijcunaman jambichicushpallami, tucui imalla charishcacunata tucuchishca carca. Shina cajpipish pi mana alliyachi tucushcachu carca.

Lucas 8:43 Iomraidhean Croise

2 CRÓNICAS 16:12

Asaca ña quimsa chunga iscun huatata mandacushpami, chaquicuna ungüi tucushpa yallitaj anchayarca. Chashna ungushpaca, Mandaj Diosta mashcanapaj randica, jambijcunallatami mashcarca.

JOB 13:4

Manataj llullanichu, cancunaca llullashpa pandachijcunami canguichij. Cancunaca mana jambinata yachaj jambijcunami canguichij.

SALMOS 108:12

P'iñajcunata mishangapaj ayudahuai. Gentecunapaj ayudaca yangallami.

ISAÍAS 2:22

Paicunapaj singaman samai llujshijllapi causaiyuj caj runacunapi shunguta churanataca saquichij. Paicuna jatun cashcallapi yuyaita churashpaca ¿imatataj ruranguichigari?

Marcos 12:44

Tucui caishujcunaca achcata charishpapish, puchushcallatami churarcacuna. Ashtahuanpish paica, huajcha cashpapish, pai causanapaj tucui charishcatamari churan– nircami.

Marcos 9:18

Chai espiritumari maipipish chujchuchishpa pambaman urmachijpi shimiman puscuta shitashpa, quirucunatapish canirishpa chaquirishpa catinlla. Ñucaca cambaj yachacujcunatami, chai millai espirituta llujshichipaichij nircani. Ashtahuanpish mana llujshichi tucuncunachu– nijpimi,

Lucas 13:11

Chaipica, unguchij supai curcuyachijpi chunga pusaj huatata curcuyashca shuj huarmimi tiyacurca. Chai huarmica manataj derecho shayari tucujmi carca.

Lucas 13:16

Cai huarmica, Abrahampaj huahua huahuamari. Paitaca, chunga pusaj huatacunatami Satanasca huatashcata charicushca. Samana punlla cajpipish, chai huatashcamantaca cacharichinami cani– nirca.

Lucas 8:27

Jesús chaiman chayashpa barcomanta uriyajpica, chai pueblomanta shuj runami paihuan tupaj shamurca. Chai runaca supaicuna japishca cashpami, achca huatacunata churanatapish mana churarishca, huasipipish mana causashpa, panteoncunallapi causaj carca.

Lucas 8:42

Paica ancha ungushca huañunalla, chunga ishqui huatayuj shujlla ushushitami charirca. Jesús chaiman ricujpica, achcacunami llapirinacui caticurcacuna.

Lucas 8:44

Chai huarmica Jesuspaj huasha ladota allijlla shamushpami, Jesuspaj churana puntapi tuparirca. Churana puntapi tuparincami yahuar cachariricushcaca chaquirirca.

Juan 9:1

Jesús chaimanta rishpaca, mana ricuj huacharishca shuj runatami ricurca.

Juan 9:21

Ima shina ricuj tucushcataca mana yachanchijchu. Pi paipaj ñahuita alliyachishcatapish mana yachanchijchu. Paica juilluyujmi, paillatataj tapuichij huillangallami– nircacuna.

Hechos 3:2

Chaipica huacharimanta pacha suchu runami tiyarca. Paitaca Taita Diospaj huasiman yaicuna Sumaj nishca pungupimi, punllanta saquij apajcuna carca. Chaipimi Taita Diospaj huasiman yaicujcunata mañashpa tiyaj carca.

Hechos 4:22

Pi mana alliyachipajta alliyachishca runaca, chuscu chunga huatacuna yallitami charirca.