Lucas 8:39 - Dios Rimashca Shimicunami

³⁹ –Cambaj huasiman rilla. Taita Dios canta achcata c'uyashpa alliyachishcata tucuita parlagri– nijpimi chai runaca, Jesús paita ima shina alliyachishcataca, tucui pueblopi causajcunaman huillashpa rirca.

Mushuj Testamento Diospaj Shimi

³⁹ —Taita Dios canpi imalla jatun allicunata rurashcata huillanaman, cambaj huasiman tigrailla— nircami. Chashna nijpi chai runaca, paipi imalla jatun allicunata Jesús rurashcatami, tucui pueblopi huillaihuan rirca.

Lucas 8:39 Iomraidhean Croise

SALMOS 66:16

¡Taita Diosta manchajcuna tucuicuna shamuichij, uyaichij. Ñuca causaipi Taita Dios imallata rurashcatami parlasha!

Marcos 1:45

Ashtahuanpish chaimanta rishpaca, pai ima shina alliyashcataca tucuicunaman huillajpimi, Jesusca mai pueblomanpish tucuicuna ricucujpica, mana yaicui tucushpa, shitashca pambacunallapi saquirirca. Chaipi cajpipish paipajmanca, tucui llajtacunamantami shamurcallacuna.

Marcos 5:18

Barcopi Jesús yaicugrijpimi, supai japishca cashca runaca, ñucatapish canhuan pushahuai nishpa rogarirca.

Marcos 5:19

Ashtahuanpish Jesusca chai runata mana pushasha nishpami: –Cambaj huasiman rilla. Jatun Dios canta achcata c'uyashpa alliyachishcata cambaj familiacunaman tucuita parlagri– nirca.

Lucas 8:38

Supaicunata llujshichishca runaca ñucatapish canhuan pushahuai nishpami Jesustaca rogarirca. Ashtahuanpish Jesusca, cayacama nishpaca:

Lucas 8:40

Jesús ña cutin tigramujpica, tucuicuna paita shuyacushcamantami, achcata cushicushpa tuparcacuna.

Juan 4:29

–Jacuchij, shuj runata ricunguichij. Paica tucui ñuca ima shinalla cashcatami huillan. ¿Manachu paica Cristo canga?– nircami.

DEUTERONOMIO 10:21

Paica cancuna alabanamari. Paimi cancunapaj Taita Dios. Paimi cancunapaj jatun mancharinacunata ruraj. Chaitaca cancunallataj ricurcanguichijmi.

1 Timoteo 5:8

Maijanpish quiquinpurapaj, ashtahuantajca paipaj huasi familiapaj imallata rurana cashcata mana rurajca, crishcata saquishpa mana crijtapish yallimi tucushca.