Lucas 8:37 - Dios Rimashca Shimicunami

³⁷ Chaita uyashpaca tucui chai muyundij llajtamanta rij gadarenocunami achcata mancharishpa, Jesustaca caimanta ripailla nijpi Jesusca, barcopi yaicushcahuan tigrashpa rirca.

Mushuj Testamento Diospaj Shimi

³⁷ Chaita uyashpaca, tucui muyundij llajtacunapi causaj gadarenocunami achcata mancharcacuna. Chaimantami, Jesustaca ‘Cai llajtamanta ripailla’ nircacuna. Chashna nijpica Jesusca, cutin barcopi yaicushpa rircallami.

Lucas 8:37 Iomraidhean Croise

1 REYES 17:18

Chaimi chai huarmica Eliastaca: –Diospaj runa, ¿ñuca canta imata rurashca cajpitaj llaquichingui? Ñuca juchacunata ñucaman yuyachishpa, ñuca churita huañuchingapajllamari shamushcangui– nircami.

Mateo 8:34

Chaimi chai pueblopi tucui causajcuna, Jesusta tupanaman llujshircacuna. Paita ricushpaca, ñucanchij llajtamantaca ripailla nishpami rogarcacuna.

Marcos 5:17

Chaita uyashpami, ricunaman shamujcunaca ñucanchij llajtamantaca llujshishpa ripai nircacuna.

Lucas 10:16

Cancunata uyajca ñucatami uyan, cancunata p'iñajca ñucatami p'iñan. Ñucata p'iñajca, ñucata cachajtapishmi p'iñan” nircami.

Lucas 5:8

Chaita ricushpa Simón Pedroca Jesuspaj ñaupajpi cungurishpami: –Mandaj Jesús, juchasapa runami cani, ñucamanta anchuripai– nirca.

Lucas 8:28

Jesusta chai runa ricushpaca, paipaj ñaupajpi urmashpami: –Jahua pachapi caj Taita Diospaj Churi Jesús ¿imatataj nij shamungui? Ama ñucata llaquichihuaichu– nishpami sinchita caparirca.

Lucas 8:36

Chaita ricujcunaca supai japishca runata ima shina alliyachishcatami tucuicunaman parlarcacuna.

Lucas 8:38

Supaicunata llujshichishca runaca ñucatapish canhuan pushahuai nishpami Jesustaca rogarirca. Ashtahuanpish Jesusca, cayacama nishpaca:

Lucas 9:5

Maipi cashpapish cancunata mana chasquishun nijpica, chai pueblomanta llujshingapajca, paicuna llaquita apana cashcata ricuchingapaj cancunapaj chaquimanta ñutu allpatapish chaspishpa chaimanta llujshishpa ringuichijlla– nircami.

Lucas 9:56

Runa Aichayujca, runacunapaj almata chingachingapajca mana shamurcachu, ashtahuanpish quishpichingapajmi shamurca– nishpaca, shujtaj uchilla llajtamanmi rircacuna.

Hechos 16:39

Mandajcuna shamushpaca: –Ñucanchijca cancuna romanocuna cashcataca mana yachashcanchijchu. Cunanca cai pueblomanta llujshishpa ripaichijlla– nircacuna.

DEUTERONOMIO 5:25

Chai jatun nina lunyacujca ñucanchijta tucuchingallatajmari. Mandaj Dios ñucanchij Taita Dios rimashcata uyashpa caticushpallaca huañushunmari. ¿Maitataj caipica huañushunyari?

1 SAMUEL 6:20

Chaimi Bet-semespi causajcunaca: “¿Pitaj jucha illaj Mandaj Diospaj ñaupajpica cai tucungari? ¿Caimantaca ñucanchijca pipajmantaj cachashun?” nircacuna.