Lucas 8:32 - Dios Rimashca Shimicunami

³² Chai chaininijlla urcupica, canlla achca c'uchicunami micucurca. Supaicunaca chai cuchicunapi yaicungapaj saquihuai nijpimi, Jesusca richun saquircalla.

Mushuj Testamento Diospaj Shimi

³² Chaininijlla urcupimi, jatun canlla cuchicuna micucurca. Chaimantami chai cuchicunapi yaicungapaj mañajpi, Jesusca chaiman richun saquirca.

Lucas 8:32 Iomraidhean Croise

1 REYES 22:22

Shina nijpi chai espirituca: Ñuca rishpaca, tucui profetacunatami llullachishpa huillachigrini nijpimi Mandaj Diosca: Can nishca shinallataj rurashpa umagrilla. Paitaca umai tucunguimi nirca.

JOB 1:10

¿Manachu canllataj paitapish, paipaj familiacunandij, tucui imalla charishcacunatapish ama tuparichunllapish nishpa jarcaracungui? Paipaj maquihuan imata rurajpipish achcatamari bendiciangui. Chaimantami paipaj charinacunaca, allpapica yallitaj mirarishca.

JOB 1:12

Shina nijpimi Mandaj Diosca, Satanastaca cashna nirca: –Riqui, pai imalla charishcacunaca cambaj maquipimi, ashtahuanpish paillata ama cambaj maquihuan tuparingui– nijpi Satanasca, Mandaj Diospaj ñaupajmanta llujshishpa rircallami.

JOB 2:6

Shina nijpimi Mandaj Diosca Satanastaca: –Riqui, paica cambaj maquipimi. Shina cajpipish, paipaj causaillata amaraj tucuchingui– nircami.

SALMOS 62:11

Shuj cutinca Taita Diosca rimarcami: Ishqui cutinca cashna nijtami uyarcani: “Tucuita rurai tucuj canaca Taita Diospajmi.

ISAÍAS 65:4

Huañushcacunata pambashcacunapi tiyarijcunami. Pacallacunapi pacarijcunami. C'uchi aichata micujcunami. Paicunapaj mangacunapi mapa animalcunapaj caldota charijcunami.

ISAÍAS 66:3

Huagrata huañuchishpa cujca, shuj runata huañuchishpa cuj shinami. Ovejata huañuchishpa cujca, allcuta huañuchishpa cuj shinami. Vinota ñucaman cushpa tallijca, cuchi yahuarta cushpa tallij shinami. Inciensota cushpa rupachijca, rurashcalla diosta alli nicujmi tucunga. Paicunapaj quiquin ñanta agllashcamantami chashna tucurcacuna. Paicunallataj millanana ruranacunata c'uyashcamantami chashna tucungacuna.

LEVÍTICO 11:7

C'uchica pallca sillucunayuj cashpapish, mana tigrachishpa cashtunchu. Chaimanta mapa animal cashcata yuyanguichij.

Mateo 7:6

Taita Diospajlla cajtaca, allcucunamanca ama cuichijchu. Ñataj tigrarishpa c'utsa c'utsata ruranman. Cancunapaj perlacunatapish, c'uchicunapaj ñaupajpica ama shitaichijchu. Paicunaca sarungallacunami.

Lucas 8:31

Chai supaicunaca ucujta jutcumanca ama cachahuaichu nishpami rogarircacuna.

Lucas 8:33

Supaicuna chai runamanta llujshishpa cuchicunapi yaicujpimi, chai canlla cuchicunaca c'aca quinrita singushpa cuchapi huashicushpa huañurcacuna.

Juan 19:11

Chaimi Jesusca: –Canca ñucata imata rurachun jahua pachamanta mana saquijpica, ñucataca imata mana rurai tucunguichu. Chaimanta ñucata canman cujca, canta yalli juchayujmari– nircami.

1 Juan 4:4

Huahuacuna, cancunaca Diospajmi canguichij. Cancunapi causacujca, cai pachapi cajta yallimi. Chaimantami paitaca ña mishashcanguichij.

Apocalipsis 20:7

Huaranga huatacuna pajtajpica, Satanasca prezu cashcamanta cacharishcami canga.