Lucas 8:3 - Dios Rimashca Shimicunami

³ Mandaj Herodespaj mayordomo Chuza runapaj huarmi Juanapish, Susanapish, shujtaj achca huarmicunapishmi paicuna imalla charishcacunahuan ayudarcacuna.

Mushuj Testamento Diospaj Shimi

³ Herodespaj huasipi mandaj Chuzapaj huarmi Juana, Susana, shujtaj achca huarmicunapishmi, imalla charishcacunahuan Jesusta servircacuna.

Lucas 8:3 Iomraidhean Croise

1 CRÓNICAS 29:14

Ñucapish, ñuca mandacun cai tucuicunapish cai tucuicunata ñucanchij cusha nishcamanta canman cungapajca ¿pitaj canchigari? Tucui imapish cambajmi. Cambaj maquimanta japishcallatami canman cunchij.

ISAÍAS 23:18

Chashna cashpapish paicuna c'atushpa randishcamanta japishcacunataca Mandaj Diospajllami ch'icanchingacuna. Chaicunataca mana paicunapaj huaquichingacunachu, mana paicunapaj mirachingacunachu. Paicuna c'atushcamanta japishcacunaca Mandaj Diospajta rurajcunapajmi canga. Paicuna pajtata micunapaj allita churarinapajmi canga.

Mateo 14:1

Chai punllacunapimi Galileata mandaj Herodesca, Jesús imallata ruracushcata uyashpa,

Mateo 14:3

Herodesca paipaj huauqui Felipepaj huarmi Herodiashuanmi causacurca. Chai huarmi mandashcamantami, Juantaca cadenahuan huatashpa carcelpi churarca.

Mateo 14:6

Herodesca, pai huacharishca huatacuna pajtashca fiestatami ruracurca. Chaipimi Herodiaspaj ushushica, tucuicunapaj ñaupajpi tushushpa Herodesta cushichijpi,

Mateo 2:11

Huasiman yaicushpaca, huahuataca paipaj mama Mariahuan cajta ricushpami, cungurishpa adorarcacuna. Paicuna cungapaj apamushcacunata pascashpami achca valij curitapish, inciensotapish, mirratapish curcacuna.

Mateo 20:8

Ña tutayajpimi, chagrayuj amoca paipaj mayordomota cayashpaca: “Pallajcunata cayai, tucuicunapaj q'uipa shamujcunamanta callarishpa, punta shamujcunacama pallashcamanta pagai” nirca.

Mateo 25:40

Chaipica jatun Mandajpish: “Tucuimanta yalli uchilla ñuca huauquicunapaj ima allita rurashpaca, ñucapajmari rurarcanguichij” ningami. Chashnatajmi canga.

Mateo 26:11

Huajchacunaca mana illangachu. Ashtahuanpish ñucaca, ña mana cancunahuan causacushallachu.

Mateo 27:55

Jesusta chacatacujtaca achca huarmicunami carullamanta ricucurcacuna. Paicunaca Galileamantami Jesuspajta rurashpa shamushca carca.

Lucas 24:10

Apostolcunaman chaicunata huillagrijcunaca, Magdalamanta Mariapish, Juanapish, Jacobopaj mama Mariapish, shujtaj huarmicunapishmi carca.

Juan 12:6

Judasca huajchacunata llaquishcamantaca, mana chashna nircachu. Ashtahuanpish shuhua cashcamanta, pai apacun cullqui muchilapi caishujcuna churashcata shuhuaj cashcamantami chashnaca nirca.

Hechos 13:1

Antioquiapi caj tandanacushca crijcunapica profetacuna, yachachijcunami tiyarca. Paicunaca: Bernabé, Níger nishca Simón, Cirene pueblomanta Lucio, mandaj Herodeshuan ishqui huiñaj Manaén, Saulopishmi carca.

2 Corintios 8:9

Ñucanchijta Mandaj Jesucristo, mana c'uyaipajta c'uyaj cashcataca yachanguichijmi. Paica achcata charij cashpapish, cancunata c'uyashcamantami imata mana charij huajcha tucurca. Pai huajcha tucushcamantami, cancunaca achcata charij tucushcanguichij.

Filipenses 4:22

Tucui jucha illajcunami cancunataca alli cashca cachun nincuna. Ashtahuantajca Cesarpaj huasipi cajcunami, alli cashca cachun nincuna.

1 Timoteo 5:10

allicunata rurashpa ricuchij cashca cajllapi, huahuacunatapish alli huiñachij cashca cajllapi, puzachij cashca cajllapi, jucha illajcunapaj chaquicunata maillaj cashca cajllapi, llaquihuan cajcunata ayudaj cashca cajllapi, tucui imatapish allicunata ruraj cashca cajllapimi churana.