Lucas 8:29 - Dios Rimashca Shimicunami

²⁹ (Jesusca millai espiritutaca chai runamanta llujshichunmi mandarca. Millai espirituca chai runataca uni huatacunata mandacujpimi, paitaca cadenacunahuan huatashpa, grillo nishca fierrocunahuanpish canichijcuna carca. Ashtahuanpish cadenacunatapish p'itishpami, mai shitashca pambacunamanpish supaicunaca apajlla carca.)

Mushuj Testamento Diospaj Shimi

²⁹ Jesús chai espirituta ‘Llujshi’ nicujpimi, chashna caparirirca. Chai mapa espirituca, chai runapica ñami unaita causacushca carca. Paitaca cadenacunahuan huatashpa, fierrocunahuan canichishpami churajcuna carca. Chashna churajpipish, cadenacunata pʼitishpa, chai espiritullataj mai shitashca pambaman apajllami carca.

Lucas 8:29 Iomraidhean Croise

Marcos 5:8

“Mapa espíritu, cai runamanta llujshi” nicujpimi chashnaca nirca.

Lucas 8:28

Jesusta chai runa ricushpaca, paipaj ñaupajpi urmashpami: –Jahua pachapi caj Taita Diospaj Churi Jesús ¿imatataj nij shamungui? Ama ñucata llaquichihuaichu– nishpami sinchita caparirca.

Lucas 8:30

Jesusca chai runataca: –¿Ima shutitaj cangui?– nishpa tapujpimi paica: –Legionmi cani– nirca. Achca supaicuna yaicushca cashpami chashnaca nirca.

Lucas 9:39

Paitaca millai espíritu japishpamari ñapish caparichishpa, maipish cachun chujchuchishpa, shimimanpish puscuta shitachinlla. Chashna maipishcachun llaquinayajta llaquichishpami paimanta anchurin.

Lucas 9:42

Shina nijpi huambrata Jesuspajman c'uchuyachigrijpica, supaica chujchuchishpami pambaman urmachirca. Chaimi Jesusca millai espirituta sinchita rimashpa, huambrata alliyachishpa paipaj yayaman curca.