Lucas 8:28 - Dios Rimashca Shimicunami

²⁸ Jesusta chai runa ricushpaca, paipaj ñaupajpi urmashpami: –Jahua pachapi caj Taita Diospaj Churi Jesús ¿imatataj nij shamungui? Ama ñucata llaquichihuaichu– nishpami sinchita caparirca.

Mushuj Testamento Diospaj Shimi

²⁸ Chai runa Jesusta ricushpaca, jatunta caparirishpami, Paipaj ñaupajpi pambacama cumurirca. Chaimantaca: —Jahua pacha Diospaj Churi Jesús, ¿ñucataca imatataj ninaman shamungui? Amataj llaquichihuaichu— nishpami sinchita caparirirca.

Lucas 8:28 Iomraidhean Croise

ISAÍAS 27:1

Chai punllapica Mandaj Diosca paipaj sinchi, jatun alli espadahuanmi leviatán nishca yallitaj callpaj culebrata, leviatán nishca jatun culebrata llaquichinga. Mama cuchapi tiyaj dragontapishmi huañuchinga.

Mateo 8:29

Paicunaca: –Taita Diospaj Churi Jesús, ¿ñucanchijtaca imatataj ruragringuiyari? ¿Manaraj punlla pajtajpichu, llaquichingapaj caimanca shamurcangui?– nishpami caparircacuna.

Lucas 8:27

Jesús chaiman chayashpa barcomanta uriyajpica, chai pueblomanta shuj runami paihuan tupaj shamurca. Chai runaca supaicuna japishca cashpami, achca huatacunata churanatapish mana churarishca, huasipipish mana causashpa, panteoncunallapi causaj carca.

Lucas 8:29

(Jesusca millai espiritutaca chai runamanta llujshichunmi mandarca. Millai espirituca chai runataca uni huatacunata mandacujpimi, paitaca cadenacunahuan huatashpa, grillo nishca fierrocunahuanpish canichijcuna carca. Ashtahuanpish cadenacunatapish p'itishpami, mai shitashca pambacunamanpish supaicunaca apajlla carca.)

Santiago 2:19

Shujlla Dios tiyashcata can crishpaca, allitamari rurangui. Supaicunapish crincunami, chujchuncunapishmi.

2 Pedro 2:4

Diosca juchallij angelcunataca mana perdonarcachu. Ashtahuanpish pai llaquichina punllacamami, paicunataca ucu pacha amsapi prezu churarca.

1 Juan 3:8

Maijanpish juchata rurashpa catijca, diablopajmi. Diabloca callarimantami juchallin. Diablopaj rurashcacunata chingachingapajmi, Diospaj Churica shamurca.

Apocalipsis 20:10

Jatun animaltapish, llullashpa huillajtapish azufrehuan rupacuj nina cuchapimi shitarca. Chaillapitajmi umaj diablotapish shitarca. Chaipimi paicunaca punllapish, tutapish huiñai huiñaita jatunta llaquichishca cangacuna.