Lucas 8:27 - Dios Rimashca Shimicunami

²⁷ Jesús chaiman chayashpa barcomanta uriyajpica, chai pueblomanta shuj runami paihuan tupaj shamurca. Chai runaca supaicuna japishca cashpami, achca huatacunata churanatapish mana churarishca, huasipipish mana causashpa, panteoncunallapi causaj carca.

Mushuj Testamento Diospaj Shimi

²⁷ Barcomanta allpaman Jesús uriyajpica, chai pueblomanta shuj runami Jesuspajman cʼuchuyamurca. Chai runaca achca huatacunata supaicuna paipi causacushcamantami, lluchulla shamurca. Causanatapish, panteoncunallapimi causaj carca.

Lucas 8:27 Iomraidhean Croise

ISAÍAS 65:4

Huañushcacunata pambashcacunapi tiyarijcunami. Pacallacunapi pacarijcunami. C'uchi aichata micujcunami. Paicunapaj mangacunapi mapa animalcunapaj caldota charijcunami.

NÚMEROS 19:16

Huasicuna mana tiyanpi espadahuan huañuchishcapi, huañuna pajtajpi huañushcapi, huañushcapaj tullupi, huañushcata pambashcapi maijan cashpapish tuparijca canchis punllacama mapami canga.

Mateo 4:24

Chaitaca tucui Siria llajtapi huashan huashan yachaj chayashpami, tucui nanaicunahuan cajcunata, ch'ican ch'ican ungüihuan llaquita apacujcunata, supai japishcacunata, uraticucunata, mana cuyuri tucujcunatapish pushamujpi tucuicunata alliyachirca.

Marcos 5:15

Paicuna Jesuspajman chayashpaca, legión nishca supaicunata llujshichishca runataca, sano yuyaiyuj, churanacunatapish churarishca tiyacujta ricushpaca, achcatami mancharircacuna.

Lucas 8:26

Chaimantaca Galilea llajta ch'imbapura cucha uripi caj gadarenocunapaj llajtamanmi chayarcacuna.

Lucas 8:28

Jesusta chai runa ricushpaca, paipaj ñaupajpi urmashpami: –Jahua pachapi caj Taita Diospaj Churi Jesús ¿imatataj nij shamungui? Ama ñucata llaquichihuaichu– nishpami sinchita caparirca.

1 SAMUEL 19:24

Chaipimi Saulca paipaj churanacunata llujshichirishpa, caishujcuna shinallataj Samuelpaj ñaupajpi Dios huillachishcata huillarca. Chaipica tucui punlla tucui tutami Samuelpaj ñaupajpi lluchulla carca. Chai punllamanta pachami: “Saulpish Dios huillachishcata huillajcunapuramari” nincuna.