Lucas 8:24 - Dios Rimashca Shimicunami

²⁴ Chaimi yachacujcuna Jesuspajman c'uchuyashpaca: –¡Yachachij, Yachachij huañugrinchijmari!– nishpa rijchachircacuna. Pai rijcharishpaca, huairatapish, yacutapish casijlla tucuichij nishpa sinchita rimajpica, casijlla tucurcallami.

Mushuj Testamento Diospaj Shimi

²⁴ Chaimantami yachacujcuna Jesuspajman cʼuchuyashpaca: —¡Yachachij, Yachachij, yacu millpugrinca!— nishpa rijchachircacuna. Jesús rijcharishpa huairatapish, caiman chaiman shitacuj yacutapish jarcashpa sinchita rimajpica, casijlla tucurcallami.

Lucas 8:24 Iomraidhean Croise

SALMOS 65:7

Mama cucha huajiacujtapish parachijmi cangui. Mama cucha yacu jatarishpa huajiacujtapish, casijllata rurajmi cangui. Llajtacuna bullanacucujtapish upallachijmi cangui.

ISAÍAS 50:2

Ñuca shamushpaca pita mana japircanichu. Huasiyuj nijpipish pi mana uyarircachu. ¿Ñuca maquica uchijllachari cancunata mana cacharichi tucungapajca? Cancunata quishpichingapajca ¿manachari poderta chariniyari? Riqui, ñucaca rimashcallahuanmi mama cucha yacutapish chaquichini. Jatun yacucunatapish shitashca pambatami rurani. Chaipi causaj chalhuacunapish yacu illashcamanta yacunaihuan huañushpa ismunmi.

JEREMÍAS 5:22

Mandaj Diosca cashnami nin: Ñucataca manamari manchanguichijchu, manamari ñuca ñaupajpica chujchunguichijchu. Ñucamari mama cucha maicama canatapish churarcani. T'iyullatamari huiñaita yacu muyundijta tiyachun churarcani. Shina cajpipish, ñuca mandashcamantaca mana pasanchu. Jatun huairahuan yacu huajiashpa jatarishpapish, mana maitapish rinllachu. Mana chai t'iyumanta pasanchu.

NAHUM 1:4

Paica mama cucha yacutapish, jatun yacucunatapish chaquichinllami. Basán llajtatapish, Carmelo urcutapish, Libanopi tiyaj sumajcunatapish chingachircami.

Mateo 14:30

Ashtahuanpish achca huaira yacuta cuyuchicujta ricushpami, mancharishpa yacupi ñalla millpurigrishpaca: –¡Amito, quishpichihuai!– nishpa caparijpi,

Mateo 8:25

Paipaj yachacujcuna c'uchuyashpaca: –¡Amito, chingarigrinchijca quishpichihuai!– nishpami rijchachircacuna.

Marcos 4:39

Jesús jatarishpaca, huairatapish yacutapish: –¡Casijlla cai!– nircami. Chashna nincami huairapish, yacupish casijlla tucurca.

Lucas 4:35

Chaimi Jesusca: –¡Upallai, cai runamanta llujshi!– nishpami sinchita rimarca. Chaimi supaica tucuicunapaj chaupipi pambaman urmachishpa, imata mana llaquichishpa paimantaca llujshirca.

Lucas 4:39

Jesusca chai ungushcapajman rishpa cumurishpaca: –Cai ungüi, anchui– nishpami rimarca. Ungüi anchujpica chai huarmica jatarishcahuan paicunaman cararcallami.

Lucas 5:5

Simonca: –Yachachij, tucui tuta trabajashpapish ima chalhuata mana japircanchijca. Can nishcamanta linchita shitashpa ricusha– nishpami shitarca.

Lucas 8:25

Chaimi Jesusca: –¿Ima nishpataj mana cringuichij?– nijpi, paicunaca chujchushpa mancharishpaca, caishuj chaishuj: –Cai runaca ¿pitagari? huairapish, yacupish pai mandajpica cazunllamari– ninacurcacuna.