Lucas 8:23 - Dios Rimashca Shimicunami

²³ Cuchata ch'imbacujpimi, Jesusca dormirirca. Chai cuchapica, huairandij tamya ñapish jatarijpimi, yacuca barcopi jundai callarijpi llaqui tucugrircacuna.

Mushuj Testamento Diospaj Shimi

²³ Barcopi ricushpami, Jesusca dormirirca. Pai dormicujpimi, cuchapi acapana huaira jatarishpaca, yacuta caiman chaiman cuyuchijpi, barcopi yacu jundashpa ñalla yacu millpugrirca.

Lucas 8:23 Iomraidhean Croise

SALMOS 148:8

Taita Dios mandashcata ruraj rayopish, rundupish alabaichigari. Rasupish p'uyupish, jatun huairandij tamyapish alabaichigari.

SALMOS 44:23

Jatun Dioslla, rijchariyari. ¿Ima nishpataj dormicunguilla? Rijchari ama huiñaipaj caruyaichu.

ISAÍAS 54:11

¡Huairandij tamya llaquichishca huarmi huahualla cushicui illajllami cangui! Shina cajpipish ñucami cambaj rumicunataca carbunclo jahuapi sinchita shayachigrini. Zafiro rumicuna jahuapimi, cantaca shayachigrini.

Lucas 5:1

Shuj punllami Jesusca Genesaret cucha c'uchupi carca. Chaipica achcacunami Diospaj Shimita Jesús huillajpi uyangapaj shamushpaca, t'angarinacushpa paita llapimucurca.

Lucas 8:22

Shuj punllami Jesusca paipaj yachacujcunandij, barcoman yaicushpaca: –Cai cucha ch'imbanijman jacuchij– nishpa rircacuna.

Hechos 27:2

Adramitio barcopi huichiyashpami rircanchij. Chai barcoca Asia llajtapica, maillapi shayarinapimi shayarishpa rina carca. Tesalonicamanta rishpa Macedoniapi causacuj Aristarcopish ñucanchijhuanmi rirca.

1 Corintios 15:30

¿Ima nishpataj ñucanchijca, pipish maipipish huañuchina manchailla canchij?

Hebreos 4:15

Ñucanchijca imata mana rurai tucuj irqui cashpapish, curacunata jatun pushaj llaquij curatami charinchij. Paitapish ñucanchijta shinallatajmi mana alli yuyaicuna pandachisha nirca. Chashna cajpipish paica manataj juchallircachu.