Lucas 8:2 - Dios Rimashca Shimicunami

² millai espiritucuna japishcacunata, ima ungüihuan cajcunatapish alliyachishca maijan huarmicunapishmi Jesushuanca rirca. Chai huarmicunapurapica, canchis supaicunata llujshichishca Magdalamanta Mariapish,

Mushuj Testamento Diospaj Shimi

² Shinallataj millai espiritucunata Jesús llujshichishca huarmicunapish, ungüicunamanta alliyachishca huarmicunapish caicunami Paihuan puricurcacuna: Canchis supaicunata llujshichishca, Magdalamanta María,

Lucas 8:2 Iomraidhean Croise

Mateo 4:24

Chaitaca tucui Siria llajtapi huashan huashan yachaj chayashpami, tucui nanaicunahuan cajcunata, ch'ican ch'ican ungüihuan llaquita apacujcunata, supai japishcacunata, uraticucunata, mana cuyuri tucujcunatapish pushamujpi tucuicunata alliyachirca.

Marcos 16:1

Samana punlla chishiyashpa tucurijpica, Magdalamanta Mariapish, Jacobopaj mama Mariapish, Salomepishmi mishquijllata ashnacujta, Jesuspaj cuerpopi churagringapaj randircacuna.

Marcos 16:9

Semana callari tutamanta Jesús causarishpaca, Magdalamanta Mariamanrajmi puntaca ricurirca. Chai huarmimantami Jesusca, canchis supaicunata llujshichishca carca.

Lucas 23:27

Achcacunami Jesustaca catishpa ricurcacuna. Chaicunapurapica, tauca huarmicunami Jesusmanta achcata llaquirishpa huacashpa caticurcacuna.

Lucas 23:49

Jesuspaj tucui rijsishcacunapish, Galileamanta Jesusta catishpa shamuj huarmicunapish, tucui imalla tucujtaca carullamantami ricushpa shayacurcacuna.

Lucas 23:55

Galileamanta Jesusta catishpa paihuan shamuj huarmicunapish catishpa rishpami, jutcupi Jesusta ima shina churajta ricurcacuna.

Lucas 8:30

Jesusca chai runataca: –¿Ima shutitaj cangui?– nishpa tapujpimi paica: –Legionmi cani– nirca. Achca supaicuna yaicushca cashpami chashnaca nirca.

Juan 19:25

Jesusta chacatashca cruz c'uchupica, paipaj mamapish, paipaj mamapaj ñañapish, Cleofaspaj huarmi Mariapish, Magdalamanta Mariapishmi carcacuna.

Hechos 1:14

Tucui paicunami maijan huarmicunandij, Jesuspaj mama Mariandij, Jesuspaj huauquicunandij shuj yuyailla tucushpa Taita Diosta mañashpa rogacurcallacuna.