Lucas 8:15 - Dios Rimashca Shimicunami

¹⁵ Ashtahuanpish alli allpa shinaca, tucui shunguhuan, tucui munaihuan huillashca Shimita uyashpa, mana cungarishpa chaitataj rurashpa granoshcata ricuchijcunami.

Mushuj Testamento Diospaj Shimi

¹⁵ Ashtahuanpish alli allpapi urmaj muyucunaca, Diospaj Shimita alli shunguhuan, caźusha nishpataj uyashpa huaquichijcunami. Paicunaca ima shamujpipish manataj saquirishpami, alli granota pʼucuncuna.

Lucas 8:15 Iomraidhean Croise

SALMOS 119:11

Ama juchallishpa quiquinta p'iñachingapajca quiquin imalla nishcacunataca ñuca shungupimi huaquichircani.

SALMOS 51:10

¡Taita Dioslla, ñucapica chuya shunguta callarichihuai. Ñuca ucupica ima pandata mana ruraj espirituta cutin churahuai!

PROVERBIOS 3:1

Ñuca huahualla, ñuca yachachishcataca, ama cungaringuichu. Ñuca mandashcacunatapish cambaj shungupi huaquichingui.

JEREMÍAS 15:16

Tucuita Mandaj Dioslla, ñucaca canhuanmi casha nihuarcanguimari. Chaimantamari cambaj shimicunata ñucaman cujpica, cushicushpa ñuca shungupi chasquij carcani. Cambaj shimi uyarijpica, japishcahuanmari micuj carcani.

JEREMÍAS 31:33

Mandaj Diosca cashnapishmi nin: “Shamuj punllacunapica israelcunahuan ari ninacushpaca, cashnami rurasha: Ñuca mandashcataca paicunapaj yuyaipi churashami, paicunapaj shungupi quillcashami. Chashna rurashpaca ñucaca paicunapaj Diosmari casha, paicunapish ñucapajllamari canga.

JEREMÍAS 32:29

Chai caldeocuna yaicushpami, cai pueblotaca ninata japichishpa tucui rupachingacuna. Israelcunaca huasi jahuacunapimi inciensota Baalman cushpa rupachijcuna carca. Shujtajcunapaj dioscunamanpish vinota cushpami tallijcuna carca. Chashna rurashpami ñucata p'iñachircacuna, tucui chai huasicunatami rupachingacuna.

Mateo 24:13

Ashtahuanpish tucuringacama catijllami quishpiringa.

Lucas 11:28

Shina nijpi Jesusca: –¡Diospaj Shimita uyashpa cazujcunami, ashtahuan cushichishcacuna!– nirca.

Lucas 6:45

Alli runaca, sumaj yuyaicunata shungupi huaquichishca cashpami allita riman. Millai runaca, millai yuyaicunata shungupi huaquichishca cashpami millaita riman. Shungupi imami junda tiyan chaillatajmi shimimanca llujshin.

Lucas 8:14

Cashalla allpa shinaca huillashca Shimita uyajcunami. Ashtahuanpish uyashpa rishca q'uipaca, cai pachapaj munaicuna, charijyana munaicuna, aichata cushichina munaicuna tapajpimi, paicunapaj causaipica imata mana granon.

Lucas 8:16

Luzta japichishpaca cajón ucupi, cama ucupi churangapajca pi mana japichinchu. Ashtahuanpish huasi ucuman yaicujcuna achijllapi yaicuchunmi lámpara tiyanapi churan.

Juan 14:15

Ñucata c'uyashpaca, ñuca mandashcacunata ruraichij.

Juan 15:10

Ima shinami ñuca Yaya mandashcacunata cazushpa paipaj c'uyaihuan shujlla cani, shinallataj cancunapish ñuca mandashcacunata cazushpa ñuca c'uyaihuan shujlla catichij.

Romanos 2:7

Taita Dios allicunata cuj cashcata yachashpa, chaita shuyashpa allicunata rurajman, huiñai causaita charishcamanta allita rurajtaca huiñaita paihuan causachunmi saquinga.

Romanos 6:22

Ashtahuanpish cunanca juchamanta cacharichishca, Diospajta rurajcunami canguichij. Chaimanta japinataca, jucha illaj canata, tucuripica huiñai causaitami charinguichij.

Romanos 7:18

Ñuca aichapica, ima alli mana causashcatami yachani. Chaimantami allita rurana munai ñucapi tiyajpipish, mana rurai tucuni.

Romanos 7:4

Chashnallataj ñuca huauquicunalla, cancunaca Cristopaj cuerpomantaca, Mandashcata ama rurangapajca huañushcami carcanguichij. Huañushcacunapaj chaupimanta causarijpaj cashcamanta, Diospajca alli granota p'ucuna yuyailla causashunchij.

Romanos 8:25

Chaimantami ñucanchijca manaraj ricushcataca, mana p'iñarishpalla chai yuyailla shuyacunchij.

1 Corintios 7:19

Circuncisionta rurashcapish, mana circuncisionta rurashcapish ima mana canchu. Dios mandashcacunata huaquichinamari tucuimanta yalli.

Efesios 2:8

Crishcamantami mana c'uyaipajta c'uyashpa quishpichishcacuna canguichij. Mana cancunallatajchu quishpirircanguichij. Ashtahuanpish chaica, Dios cushcallami.

DEUTERONOMIO 30:6

Mandaj Dios cancunapaj Taita Diosmi, cancunatapish cancunapaj huahua huahuacunatapish shungupi circuncisionta ruranga. Mandaj Dios cancunapaj Taita Diosta tucui shunguhuan, tucui almahuan paillata c'uyashpa causachunmi chashna ruranga.

Filipenses 1:11

Diosta alabashpa sumajyachichun, Jesucristomanta cashcata rurashpa granota p'ucuj shina junda cachunpishmi mañacuni.

Colosenses 1:10

Mandaj Jesuspaj cashca shinataj causashpa pai munashcata tucuipi rurashpa, tucui alli ruranapi, alli granota p'ucuj shina, Taita Diosta rijsinapipish ashtahuan huiñashpa catichunmi mañacunchijlla.

Colosenses 1:6

cancunamanpish huillajpimi yacharcanguichij. Chai alli huillaimi tucui cai pachapi grano p'ucuj shina miraricun. Taita Diostaca mana c'uyaipajta c'uyajtaj cashcata uyashca, rijsishca punllamantami cancunapurapipish chashna mirachicun.

Hebreos 10:36

Diospaj munaita ruraj cangapajca, mana p'iñarijmi cana. Chashna cashpami Dios cusha nishcataca japinguichij.

Hebreos 2:1

Chaimanta ñanta chingachij shina ama pandaringapaj ñucanchij imata uyashcataca ashtahuan chai yuyailla catirashunchij.

Santiago 1:4

Chashna alli shungu cashca ricuringapajca alli caichij. Chashna cashpami imapish mana illaj, ña alli crijcunataj canguichij.

1 Juan 2:3

Pai mandashcacunata cazushpami, paita rijsishpa causacushcata yachanchij.