Lucas 8:14 - Dios Rimashca Shimicunami

¹⁴ Cashalla allpa shinaca huillashca Shimita uyajcunami. Ashtahuanpish uyashpa rishca q'uipaca, cai pachapaj munaicuna, charijyana munaicuna, aichata cushichina munaicuna tapajpimi, paicunapaj causaipica imata mana granon.

Mushuj Testamento Diospaj Shimi

¹⁴ Casha chaupipi urmaj muyuca, alli huillaita uyajcunami. Uyashpa rishca huashaca, imata pajtana yuyaicuna, achcata charijyana munaicunapish, cai causaillapi aichata cushichinapish atijpica, ima granota mana pʼucuj shinallatajmi saquirincuna.

Lucas 8:14 Iomraidhean Croise

Mateo 13:22

Cashalla allpapi tarpushca shinaca, Diospaj Shimita huillashcata uyashpapish cai pachapi ima shinalla rurajcuna rurashca shina charijyana yuyaicunahuan umarishpami, huillashca Shimitaca chai yuyaicuna tapajpi, paicunapaj causaipica imata mana granon.

Marcos 4:19

Ashtahuanpish cai pachapi ima shinalla rurajcuna rurashca shina charijyana yuyaicunahuan umarinami. Shinallataj shujtajcuna charishcata munanacunami. Huillashca Shimitaca chai yuyaicuna tapajpimi, paicunapaj causaipica imata mana granon.

Lucas 16:13

Maijan servijpish ishqui amotaca, mana servi tucunchu. Shujtaca p'iñanmanmi, caishujtaca c'uyanmanmi. Shujtaca alli ninmanmi, caishujtaca yanganchinmanmi. Shinallatajmi Taita Diospajpish, charijyangapajpish ishquindijtaca mana rurai tucunguichij” nirca.

Lucas 21:34

Taita Dios mandai callarina punllaca cancuna mana yuyashcapi ama shamuchun, cancunallataj alli yuyarishpa jatun micuita ruranallapi, machanallapi, cai causaipi imatapish charinallapi, cancunapaj shunguta churashpa ama causanguichijchu.

Lucas 8:13

Rumi shinaca huillashca Shimita uyashcahuan cushicushpa chasquijcunami. Shina cashpapish sapi mana ucujta cashcamanta paicuna crishcataca ashacamallami catin. Crij cashcamanta llaquicuna shamujpica saquirinllacunami.

Lucas 8:15

Ashtahuanpish alli allpa shinaca, tucui shunguhuan, tucui munaihuan huillashca Shimita uyashpa, mana cungarishpa chaitataj rurashpa granoshcata ricuchijcunami.

Lucas 8:7

Asha muyuca casha chaupipimi urmarca. Cashacunandij huiñashpa cashacuna llapijpimi mana granorca.

Juan 15:6

Mana p'ucuj ramataca p'itishpa canllaman shitajpi, chaquirijpica tandachishpa rupachinmi. Maijanpish ñucapi cashpapish ñucahuan mana shuj shinalla cajtaca, chai ramata shinallatajmi rurashca canga.

1 Timoteo 6:17

Cai pachapi achcata charijcunataca ama jatun tucuchun, charinacunallapi ama yuyaita churachun mandangui. Chaicunaca chingarijllami. Ashtahuanpish ñucanchij cushicuchun tucui imatapish yallijta cuj causaj Taita Diospi yuyaita churachun mandangui.

2 Timoteo 4:10

Demas shuti runaca cai pachapi tiyajcunata munashcamantami, ñucallata saquishpa Tesalonicaman rirca. Crescenteca Galaciaman, Titoca Dalmaciamanmi rirca.

Hebreos 6:1

Callaripi Cristomanta chaillatataj chaillatataj yachacushcata saquishpa, ashtahuan sinchiyangapaj ñaupajman rishunchij. Huañunaman pushaj millaita ruranataca saquishpa, Diosman cutirinatapish, ima shina crinatapish,