Lucas 8:10 - Dios Rimashca Shimicunami

¹⁰ Jesusca cashna nirca: –Taita Dios mandagrin pi mana yachashca pacalla cajtaca, paillatajmari cancunamanca yachachishca. Ashtahuanpish shujtajcunamanca yuyachij parlocunallahuanmi imatapish yachachicuni. Paicunaca ricushpapish mana ricushca shinami tucun. Uyashpapish mana uyashca shinallatajmi tucun.

Mushuj Testamento Diospaj Shimi

¹⁰ Chaimantami cashna nirca: «Cancunamanca jahua pacha Diosmi, Pai mandacun ima shina cashcata ricuchishca. Ashtahuanpish caishujcunamanca ricushpapish mana ricushca shinallataj saquirichun, mashnata uyashpapish ama yuyaita japichunmi yuyachij parlocunallahuan huillani.

Lucas 8:10 Iomraidhean Croise

SALMOS 25:14

Mandaj Diosca paita manchajcunahuanmi yallitaj apanacun. Paihuan ari ninacushcata pajtachinataca paicunamanmi yachachinga.

ISAÍAS 29:14

Chaimanta cutinllatajmi jatun milagrohuan, mancharinahuan cai gentecunataca manchachisha. Chaimi yachai sapacunapaj yachaica chingaringa. Yuyai sapacuna entendij cashcapish mana entendijmi tucunga” ninmi.

ISAÍAS 44:18

Chaicunaca imata ruracushcata mana yachanchu. Mana entendincunachu. Ama ricungapaj ñahuicuna huichcashca cashpa, ama entendingapaj shungu huichcashca cashpami, chaicunata ruran.

ISAÍAS 6:9

Chaimi paica: “Ri, chai gentecunataca cashna nigri: Alli uyashpapish mana entendinguichijchu, alli ricushpapish ima cashcata mana yachanguichijchu nigri.

JEREMÍAS 5:21

Shungu illaj ch'ahuanyashca runacuna, cancunaca ñahuita charishpapish, mana ricunguichijchu. Rinrinta charishpapish, mana uyanguichijchu. Cunanca caita uyaichigari:

EZEQUIEL 12:2

“Huañujlla aichayuj runalla, canca mana cazuj ch'ahuancunapaj chaupipimari causacungui. Paicunaca mana cazuj ch'ahuancuna cashcamantami, ñahuita charishpapish mana ricuncuna, rinrinta charishpapish mana uyancuna.

Mateo 11:25

Chaipimi Jesusca cashna nirca: “Jahua pachata, cai pachata Mandaj ñuca Yaya, ñucaca cantami alabani. Alli yuyaiyuj, yachaisapacunamanca caicunataca pacarcanguimari. Ashtahuanpish uchilla huahuacunamanmari ricuchircangui.

Mateo 16:17

Shina nijpi Jesusca: –Jonaspaj churi Simón, chaitaca mana aichayuj, yahuaryuj runachu ricuchishca, ashtahuanpish jahua pachapi caj ñuca Yayami ricuchishca. Chaimanta cushichishcami cangui.

Marcos 4:11

Chaimi cashna nirca: “Taita Dios mandagrin pi mana yachashca pacalla cajtaca, paimari cancunamanca yachachishca. Ashtahuanpish shujtajcunamanca yuyachij parlocunallahuanmi imatapish yachachicuni.

Marcos 4:12

Paicunaca ricushpapish mana ricushca shinami tucun. Uyashpapish mana uyashca shinallatajmi tucun. Chaimantami Taita Diosmanpish mana cutirincuna, paicunapaj juchacunata perdonashca canatapish mana chasquincuna” nircami.

Juan 12:40

Taita Diosllatajmi “Paicunapaj ñahuitaca, mana ricujta rurarca. Shungutapish sinchiyachirca. Ñahuihuanca ama ricuchun, shunguhuanca ama yuyarichun, ñuca jambichun, ñucapajman ama cutirichunmi chashna rurani nishca” pajtachunmi chashnaca tucurca.

Romanos 16:25

Jesucristomanta alli huillaita ñuca huillashca shinallataj, cancunata sinchiyachij Diostaca allimari cangui ninimi. Huiñaimantami pi mana yachaipaj pacallataca ricuchimushca.

1 Corintios 12:11

Ashtahuanpish tucui cai ruraicunataca, shujlla Espiritullatajmi rurachicun. Cada quiquinmanmi, pai munashca shinallataj chaupin.

DEUTERONOMIO 29:4

Chaipi pai imapaj chai tucuita rurashcacunata cancuna entendichun cunancama Mandaj Diosca cancunapaj yuyaitaca manaraj pascashcachu. Chaimantami uyashpapish mana entendinguichij, ricushpapish mana ricushca shina tucunguichij.

Colosenses 2:2

Paicunapaj shungucunapi cushicuchun, c'uyaipi shujlla cashpa alli entendij canata charij canaman chayachunmi macanacucuni. Chashna cashpami Dios Yayamanta, pi mana yachashca pacalla cajca Cristo cashcata alli yachangacuna.

1 Timoteo 3:16

Ñucanchij crishcaca pi mana yachashca, yallitaj jatunmari. Chaitaca mana chashnachu nishpa, pi mana ni tucunchu: Taita Diosca, aichayuj tucushpami ricurishca. Espiritupish cashcata rurajmi nircami. Angelcunaca ricurcacunami. Mana judiocunamanpish paimantaca huillarcacunami. Cai pachapica, crircacunami. Sumaj jahua pachapica chasquishcami carca.